Փաշինյանը նոր հասարակություն է ստեղծում՝ վախվորած, վախկոտ, առանց հաղթանակների
Նիկոլ Փաշինյանն այնպիսի վտանգավոր արագությամբ է հակահայկական ու հակապետական նարատիվները տարածում Հայաստանում, ասես ինչ-որ տեղ է շտապում։ Երեկ Փաշինյանը պետության այլ ղեկավարների ուղեկցությամբ այցելել է Սարդարապատ: Եթե նախքան 44-օրյա պատերազմը Փաշինյանը չէր խորշում հանրության մեջ հայտնվելու, մարդկանց հետ շփվելու հարցում, ապա վերջին տարիներին ձևավորված ավանդույթ է դարձել, որ արարողություններն անցկացվում են բացառապես պաշտոնյաների և ուժայինների համար, իսկ մարդկանց վաղ առավոտից արգելում են բարձրանալ Սարդարապատ։
Արդեն իր ելույթում Փաշինյանը մի քանի խայտառակ հայտարարություններ է արել։ Նշելով տարբեր իրողություններ՝ հայտարարել է, թե «մեր ինքնությունը մեր պետությունն է»։ «Որովհետև բոլոր այն հատկանիշները, որոնք պայմանավորում են մեր ինքնությունը, ձեռք են բերվել, ձևավորվել ու հաստատվել են պետականության շնորհիվ, այսինքն՝ պետականության գոյության պայմաններում, պետական որոշումներով կամ պետական աջակցությամբ»,- ասել է Նիկոլ Փաշինյանը։
Այսկերպ Հայաստանի վարչապետի պաշտոնը զբաղեցնող անձը տարանջատում է Հայաստանն ու Սփյուռքը։ Արցախի չգոյության պայմաններում տրամաբանական կլիներ, որպեսզի գործող իշխանությունները փորձեին գործակցել Սփյուռքի հետ, պահպանել հայ ինքնությունը ոչ միայն Հայաստանում, այլ նաև արտերկրում։ Իսկ երբ ինքնությունը պայմանավորում ես միայն պետությամբ, դուրս ես թողնում այդ պետությունում չապրողներին։
Ավելին, Նիկոլ Փաշինյանը հայտարարել է, թե 29 հազար 743 քառակուսի կիլոմետր միջազգայնորեն ճանաչված տարածքով Հայաստանի Հանրապետությունը մեր ժողովրդի ոչ թե կորուստների, այլ ձեռքբերումների արտահայտություն է։ Ավելի խայտառակ և վտանգավոր միտք մինչ օրս ոչ ոք չէր ասել։ «Մեր ժողովուրդը հայրենիք փնտրելու կարիք չունի այլևս, հայրենիքի մասին երազելու անհրաժեշտություն չկա, որովհետև մեր երազանքներն իրագործված են, հայրենիքը գտնված՝ ի դեմս Հայաստանի Հանրապետության, ի դեմս պետության», - նշել էր Նիկոլ Փաշինյանը։
Սա ևս մեկ վկայությունն է, որ Հայաստանի գործող ապիկար ղեկավարն ամեն գնով փորձում է հայ ժողովրդի մտքից հանել ոչ միայն Արցախը, այլ նաև Արևմտյան Հայաստանը, կատարել թուրք-ադրբեջանական տանդեմի պահանջները և նույնիսկ հայ ժողովրդի գիտակցության միջից հանել պատմական հայրենիքի գաղափարը։ Նիկոլ Փաշինյանն ու իր թիմը նոր հասարակություն է ստեղծում՝ վախվորած, վախկոտ, առանց հաղթանակների։
Լաուրա Խաչատրյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...