Ստամբուլը դառնում է ՌԴ-Ուկրաինա բանակցությունների հիմնական հարթակը. Շոյգու

Ստամբուլը դառնում է Ռուսաստանի և Ուկրաինայի միջև բանակցությունների հիմնական հարթակը, հայտարարել է ՌԴ Անվտանգության խորհրդի քարտուղար Սերգեյ Շոյգուն։

«Ստամբուլի հարթակը դառնում է հիմնական հարթակը բոլոր ոլորտներում բանակցություններ վարելու համար՝ կապված Սև ծովի, սևծովյան գործարքի, հացահատիկի գործարքի հետ: Իսկ այժմ ռուս-ուկրաինական բանակցությունները», - ասել է Շոյգուն Թուրքիայի Ազգային անվտանգության խորհրդի գլխավոր քարտուղար Օքայ Մեմիսի հետ հանդիպման ժամանակ:

Նա շնորհակալություն է հայտնել Թուրքիայի Հանրապետության ղեկավարությանը ռուս-ուկրաինական բանակցություններ վարելու համար Ստամբուլի հարթակը տրամադրելու համար։

«Մենք գիտենք, որ Անկարան զգալի ջանքեր է գործադրել, այդ թվում՝ անվտանգության ապահովման առումով, պատվիրակությունների աշխատանքի համար օպտիմալ պայմաններ ստեղծելու համար», - ասել է Շոյգուն։

Նա շնորհակալություն է հայտնել Մեմիսին անվտանգության հարցերով զբաղվող բարձրաստիճան ներկայացուցիչների միջազգային հանդիպմանը մասնակցելու համար՝ պարզաբանելով, որ սա իր առաջին այցն է Մոսկվա։ Ըստ Շոյգուի՝ «ռուս-թուրքական քաղաքական երկխոսությունն ակտիվորեն զարգանում է բոլոր ուղղություններով»։

«Մենք Անկարայի հետ կապված ենք առևտրի, տնտեսական և էներգետիկ ոլորտներում համատեղ խոշոր նախագծերի հաջող իրականացմամբ»,- հայտարարել է ՌԴ Անվտանգության խորհրդի քարտուղարը։

Ըստ Շոյգուի՝ երկկողմ համագործակցության արդյունավետությունը «մեծապես պայմանավորված է երկու երկրների ղեկավարների միջև վստահության երկխոսության ինտենսիվությամբ. նախագահներ (ՌԴ) Պուտինը և (Թուրքիայի Ռեջեփ Թայիփ) Էրդողանը կանոնավոր կերպով շփվում են հեռախոսով։