Փաշինյանի թիրախում Կաթողիկոսն է
Հայաստանի վարչապետի պաշտոնը զբաղեցնող Նիկոլ Փաշինյանի վակխանալիան, որ սկսվել էր երեկ հակաեկեղեցական և հակակրոնական գրառումներով, շարունակում է նաև այսօր։ Փաշինյանի այս հետևողականությունը, ինչպես նաև կազմակերպված արշավը Հայ առաքելական եկեղեցու դեմ որևէ կասկած չի թողնում, որ սա ոչ թե պահի ազդեցության տակ առաջացած պոռթկում է, այլ ձևավորված և համակարգված քաղաքականություն՝ ընդդեմ հայ ինքնության առանցքային ինստիտուտներից մեկի։
Իսկ այս փաստարկի գլխավոր ապացույցը երեկ երեկոյան Փաշինյանի արած մեկ այլ գրառումն էր. «Հայաստանի Հանրապետությունը պետք է վճռորոշ ձայն ունենա Ամենայն Հայոց Կաթողիկոսի ընտրության հարցում։ Կաթողիկոսի թեկնածուները պետք է անցնեն բարեվարգության ստուգում։ Այս հարցը մեկընդմիշտ պետք է լուծել»։
Գործող Հայոց Հայրապետ Գարեգին 2-րդն ընտրվել է 1999 թվականի հոկտեմբերին, այժմ էլ առողջ և ակտիվ գործունեություն է ծավալում։ Հենց այս պահին Շվեյցարիայում նրա նախաձեռնությամբ միջազգային մեծ համաժողով է ընթանում, որտեղ Գարեգին 2-րդն արձանագրել է, թե Թուրքիայի ռազմական աջակցությամբ Ադրբեջանն իրականացրել է ոճրագործություն, բռնազավթել ու ամբողջապես հայաթափել է Արցախը, գրավել է Հայաստանի սահմանային կենսական նշանակություն ունեցող զգալի տարածքներ, խաղաղության պայմանագրի կնքման գործընթացում ներկայացնում է նոր պահանջներ։
Փաստացի, Փաշինյանն իր պոպուլիստական և վտանգավոր գրությամբ թիրախավորում է հենց Հայոց Հայրապետին։ Դեռևս 2018 թվականի իշխանափոխությունից հետո «Նոր Հայաստան, նոր Հայրապետ» շարժում սկսելով՝ գործող իշխանությունները թիրախավորեցին Կաթողիկոսին, բայց այդպես էլ չկարողացան հասնել նրա պաշտոնանկությանը, իսկ այժմ Փաշինյանը վերջին ճիգերն է գործադրում վնասելու Ամենայն Հայոց Կաթողիկոսին, նրան պաշտոնանկ անելու, Հայ Առաքելական եկեղեցու և հավատացյալների միջև երկպառակություն սերմանելու, այդկերպ թշնամիների պահանջները կատարելու համար։ Բնականաբար այս հարցում Փաշինյանը չի կարող դաշնակիցներ չունենալ նաև Հայ Առաքելական եկեղեցու ներսում։
«Վարչապետի» այս լպիրշությունն օր առաջ հարկավոր է կանգնեցնել, և սրա համար թիվ մեկ, թերևս միակ գործոնը հենց Հայ Առաքելական եկեղեցին է, որի բոլոր բարձրաստիճան սպասավորները ոչ միայն պարտավոր են իր տեղը ցույց տալ Նիկոլ Փաշինյանին, այլ նաև իրական պայքար սկսել հանուն Հայոց եկեղեցու, Հայոց ինքնության և Հայոց պետականության։
Անուշիկ Հարությունյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ