Իշխանությունները ճնշում են Արցախի նախագահին
Արցախի նախագահ Սամվել Շահրամանյանը, որի պաշտոնավարման ժամկետը լրացել է օրեր առաջ, վերջին մեկ ամսվա ընթացքում 5-6 անգամ հարցաքննության է հրավիրվել Քննչական կոմիտեի զինվորական քննչական գլխավոր վարչություն։ Արցախի նախագահի գործը վերաբերում է Արցախի հանձնմանը, պատերազմի ժամանակ ցուցաբերած զինվորական պաշտոնեական անփութությանը, ինչպես նաև զենք-զինամթերքը և սպառազինությունը թշնամուն հանձնելու։
Թե ինչ են հարցաքննել Արցախի նախագահին, փաստաբանը չի հայտնում, միայն հերքել է մամուլում տարածված տեղեկությունները, թե Շահրամանյանին կալանավորել են։
Այդուհանդերձ, մեր աղբյուրների փոխանցմամբ, գործող իշխանություններն ամեն ինչ անում են Արցախի նախագահին ճնշումների ենթարկելու համար, կկալանավորեն, եթե չհաջողվի հասնել իրենց ուզածին։ ԱԱԾ-ի և նրա պետի գործուն մասնակցությամբ փորձում են պարտադրել Շահրամանյանին հրաժարվել Արցախի նախագահի պաշտոնում առաջադրվելու մտքից։ Ցանկացած ուրիշ անձի՝ Արցախի նախագահ ընտրելով՝ Փաշինյանը կարող է Ադրբեջանին հավաստիացնել, թե հասել է իր նպատակներին, իսկ Շահրամանյանի ընտրությունը գործող իշխանությունների, ինչպես և Ադրբեջանի նախագահի շահերից չի բխում, ուստի և առաջիկայում ևս Շահրամանյանին կկանչեն հարցաքննության։
Ընդ որում, դեռևս հայտնի չէ արդյոք ԱԱԾ-ին հաջողվել է հասնել իր ցանկալի զարգացմանը և լիակատար ճնշումների ենթարկել Արցախի նախագահին։ Որ գործող փաշինյանական իշխանությունը որևէ կարմիր գիծ ու արգելակ չունի, հայտնի է վաղուց։ Այստեղ էականն Ազգային անվտանգության ծառայության պահվածքն է, որը, երկրի անվտանգությունը և իրական շահերը, թողած սպասարկում է մի ապիկար դավաճանի քմահաճույքները։
Նարե Զոհրաբյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
74.5% անկում. Հայկական գյուղմթերքի արտահանման ճգնաժամի համակարգային պատճառները․ Տիգրան Դումիկյան
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
«Այս մարդիկ իրականում վարում են հակապետական և հակահայկական քաղաքականություն». «Փաստ»
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...