ՌԴ-ն ԱԹՍ-ներով գրոհել է Չեռնիգով և Օդեսա քաղաքները. կան զոհեր

ՌԴ-ն հունիսի 3-ի գիշերը «Շահեդ»  անօդաչու սարքերով գրոհել է Ուկրաինայի Չեռնիգով քաղաքը։ Պայթյունների հետևանքով  կան զոհեր։ Այս մասին Telegram-ում հայտնել է Չեռնիգովի ռազմական վարչակազմի ղեկավար Դմիտրի Բրիժինսկին։ Այս մասին գրում է korrespondent.net-ը:

«Գրանցել է մասնավոր հատվածի վրա անօդաչուի հարվածելու դեպք։ ​​Մարդկանց շրջանում կան զոհեր։ Տեղեկատվությունը ճշտվում է», - գրել է նա։

Ուկրաինայի ռազմաօդային ուժերն ավելի վաղ զգուշացրել էին, որ Չեռնիգովի ուղղությամբ թռչում են անօդաչու թռչող սարքերի մի քանի խմբեր։

Հունիսի 3-ի գիշերը ռուսական կողմն անօդաչու թռչող սարքեր են արձակել Օդեսայի վրա, կան ավերածություններ։ Ինչպես նշում է korrespondent.net-ը, այս մասին հայտնել է Օդեսայի քաղաքապետ Գենադի Տրուխանովը։

«Եվս մեկ գիշերային հարձակում։ Վնասվել են բնակելի շենքեր և քաղաքացիական ենթակառուցվածքներ, այրվել են մեքենաներ։ Այս պահին զոհերի մասին տեղեկություններ չկան», - նշել է նա։

Տրուխանովի խոսքով՝ միջադեպի վայրում աշխատում է օպերատիվ շտաբ։ Մասնավորապես, մոտ ապագայում կկազմակերպվեն խորհրդակցություններ քաղաքային բյուջեից օգնություն ստանալու, ինչպես նաև eRestoration ծրագրի շրջանակներում փոխհատուցում ստանալու վերաբերյալ։