Կառավարությունը պետք է խիստ վերահսկողութուն սահմանի, որ ոմանք պատմամշակութային հուշարձանները չուլան չդարձնեն. Նիկոլ Փաշինյան

Այսօր մեր պատմամշակութային բազմաթիվ հուշարձաններ, որոնք հոգևոր կյանքի անբաժանելի մաս են, բայց նաև պատկանում են պետությանը, այսինքն, պետության սեփականությունն են և գտնվում են պետության հոգածության ներքո և այդ թվում ենթակառուցվածքներ պետք է լինեն, որպեսզի մարդիկ հնարավորություն ունենան հաղորդակցվել այդ հոգևոր արժեքների հետ: Այս մասին ԱԺ-ում 2024 թվականի պետական բյուջեի կատարման տարեկան հաշվետվությունը ներկայացնելիս ասաց վարչապետ Նիկոլ Փաշինյանը:

«Բայց նաև պետք է կառավարությունը խստիվ վերահսկողություն սահմանի, որպեսզի, ինչպես արդեն առիթ ունեցել եմ ասելու, ոմանք այդ պատմամշակութային հուշարձանները չուլան չդարձնեն, որովհետև էլի եմ ասում՝ դա վիրավորում է մարդկանց հոգևոր զգացումները։ Կարճ ասած՝ երջանկությունը պետք է արտահայտված լինի պետական բյուջեում»,- ասաց նա:

Փաշինյանը նշեց, որ հիշում է բյուջետային քննարկումները դեռ լրագրող եղած ժամանակներից և որպես պատգամավոր էլ տարբեր ձևակերպումներ է տվել բյուջեին՝ ճգնաժամի, կոնսերվատիվ, հուսահատության բյուջե, զարգացման բյուջե, բայց հիմա կարծում է, որ տարբերակումները պետք է հանել:

«Կարծում եմ՝ մենք ընդհանրապես տարբերակումները պետք է հանենք որովհետև ՀՀ-ում պետք է լինի երջանկության բյուջե: Այսինքն, մեր բյուջեները պետք է ուղղված լինեն նրան, թե ինչ է պետք Հայաստանի Հանրապետությունը և նրա քաղաքացիները երջանիկ լինեն: Սա, կարծում եմ, շատ կարևոր արձանագրում է, որը մենք պետք է անենք։ Բայց չեմ ուզում և չեմ կարող ժխտել, որ մարդու երջանկության համար, ինչպես նշված է նաև իրական Հայաստանի գաղափարախոսության նախագծում, անհրաժեշտ են նաև անհրաժեշտ կենցաղային պայմաններ»,- ասաց նա: