Սյունիքում անչափահասների անհետացման ու հայտնաբերման դրվագը ցույց տվեց իշխանության դեմքը
Սյունիքի մարզի Տեղ համայնքի 2 անչափահաս բնակիչների անհետացման, ապա և հայտնաբերման դեպքը հերթական անգամ ցույց տվեց գործող իշխանությունների դեմքը։ Հիշեցնենք, երեկ ԱԱԾ-ն հայտնեց, որ Արավուս գյուղի հատվածում գիշերը 2 անչափահասներ հայտնվել են ադրբեջանական կողմում։ Մինչ ընդդիմադիր շրջանակները հայտնում էին, որ երիտասարդներին գերեվարել են, «Քաղպայմանագիրը» իր ողջ կազմով և քարոզչամեքենայով հարձակում սկսեց այդ տեղեկությունները տարածողների վրա։
Ավելի ուշ, երբ արդեն երիտասարդները վերադարձվել էին հայկական կողմին, Ազգային անվտանգության ծառայությունը տեղեկացրել էր, որ նրանք իրենց ընտանի կենդանիներին փնտրելու ընթացքում մոլորվել և մառախուղի պատճառով չեն կարողացել կողմնորոշվել տեղանքում։ Ադրբեջանցիների կողմից նրանց առևանգելու մասին տեղեկատվությունը չի համապատասխանում իրականությանը, հայտնել են ԱԱԾ-ից։ Այս դրվագում ամենաուշագրավն այն է, որ ԱԱԾ-ն և իշխանության մյուս մարմիններն ամեն կերպ փորձում էին Ադրբեջանին զերծ պահել տարբեր մեղադրանքներից, թեպետ տասնամյակներ շարունակ հայտնի է, թե ինչ է լինում այն անձանց հետ, որոնք հայտնվում են ադրբեջանական կողմում, գերեվարվում կամ թեկուզ մոլորվում, ուստի հասարակական գործիչների, շարքային քաղաքացիների մտահոգությունները ոչ միայն հասկանալի են, այլ նաև օբյեկտիվ։
Իհարկե, Փաշինյանի իշխանությանը հաջողվել է վերադարձնել այդ 2 երիտասարդներին, բայց ամբողջ հարցն այն է՝ ինչպե՞ս պատահեց, որ ադրբեջանցիները հայտնվեցին Տեղ գյուղից ոչ հեռու, երբ տասնամյակներ շարունակ Հայաստանի ամենապաշտպանված մարզերից մեկն այսօր վերածվել է մի տարածքի, որտեղ մարդիկ կարող են մոլորվել կամ էլ առևանգվել։
Երեկ նաև ուշագրավ մի դեպք է տեղի ունեցել։ Նիկոլ Փաշինյանը շնորհավորել է Ադրբեջանին Կուրբան Բայրամի կապակցությամբ, գրառում արել սոցցանցերում։ Սա առաջին անգամն է, որ Հայաստանի ղեկավարի պաշտոնը զբաղեցնող անձը շնորհավորում է Ադրբեջանին այդ տոնի կապակցությամբ։ Եթե այդ շնորհավորանքի գինը Տեղ գյուղի 2 անչափահաս բնակիչների վերադարձն է, ապա կարելի է ընդհուպ ողջունել նման շնորհավորանքը։ Բայց հայ-ադրբեջանական անվստահությունն այնքան խորն է, որ շատ երկար ժամանակ այն վերականգնելը հնարավոր չի լինելու, եթե չասենք իսպառ բացառվում է, իսկ փաշինյանական իշխանությունն ամեն ինչ անում է՝ ադրբեջանցիների երեսը պարզաջրելու, հա պարզաջրելու իրենց քննադատողներին էլ մեղադրելու համար, մինչդեռ հենց իրենք են մեղավոր, որ այսօր Հայաստանի պաշտպան սահմաններն անպաշտպան են և բավարար կահավորված չեն, արդյունքում երիտասարդները կարող են մոլորվել։
Մարիամ Մովսիսյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը