Ընդդիմության խնդիրը պետք է լինի՝ երկիրը ցնցումներից զերծ պահելը, խաղաղ և անցնցում իշխանափոխությունը. Սուրենյանց
Հայ Առաքելական եկեղեցու դեմ Նիկոլ Փաշինյանի սանձազերծած ցինիկ արշավի հիմնական բաղադրիչը դրա հակասահմանադրականությունն է: Այս մասին գրել է քաղաքագետ Սուրեն Սուրենյանցը:
«Ըստ այդմ, դրան ընդդիմացողներն, առաջին հերթին, իրենց աջակցությունն են հայտնում Հայաստանի Սահմանադրությանը, հետո նոր առաջնորդվում են այլ մոտիվներով:
Ի՞նչ հաշվարկով է Փաշինյանը գնում Եկեղեցու «զավթման» օպերացիային:
Օրենքն այս հարցում, ինչպես նշեցի, նրան դաշնակից չէ: Փաշինյանն բացահայտորեն խախտում է Սահմանադրության 17-րդ հոդվածը:
Փաշինյանը չի կարող վկայակոչել նաև միջազգային փորձը: Եկեղեցու և պետության տարանջատումը արևմտյան դեմոկրատիայի հիմնասյուներից է, որը նպաստում է ինչպես ազատությանը, այնպես էլ հանրային խաղաղության ու հավասարության պահպանմանը։
Փաշինյանը չի կարող ապավինել նաև հանրային աջակցությանը:
Այդպիսի մի բան նա արել է 2019-ին, երբ ապօրինաբար որոշեց շրջափակել դատարանները: Սակայն այն ժամանակ Փաշինյանի վստահության ռեսուրսը բավականին բարձր էր, ինչի շնորհիվ նա կարողացավ հակասահմանադրական մեթոդներով կլանել դատական համակարգը:
Հիմա իրավիճակ է փոխվել. մի կողմից, գործ ունենք Փաշինյանի գահավիժող վարրկանիշի հետ, մյուս կողմից՝ այս անգամ Փաշինյանի արկածախնդրությունն ավելի «գրանդիոզ» մասշտաբ ունի՝ նա ոտնձգում է մեր ինքնության բացառիկ կարևոր ինստիտուտի դեմ:
Փաշինյանն ակնհայտորեն գնում է քաղաքացիական բախումներ հրահրելու ճանապարհով, սակայն տրամաբանորեն չի կարող խաղադրույք անել միայն ուժայինների աջակցության վրա:
Հանրային դիմադրության մասշտաբը կարող է շատ մեծ լինել, ըստ այդմ՝ գործող վարչապետի հաշվարկների հիմքում կարող է լինել արտաքին միջամտությունը՝ Արևմուտքի գլոբալիստական սեգմենտների, Ադրբեջանի, Թուրքիայի դեմքով:
Փաշինյանի գերխնդիրն իշխանության պահպանում/ վերարտադրությունն է, անգամ՝ թշնամական, օտար միջամտությամբ:
Ընդդիմության խնդիրը պետք է լինի՝ երկիրը ցնցումներից զերծ պահելը, Փաշինյանին ու նրա օրակարգը մարգինալացնելը, խաղաղ և անցնում իշխանափոխությունը:
Կարգախոսային ակցիաները, «ուռահայրենասիրական» ճառերը նպատակին հասնելու լավագույն ճանապարհը չեն:
Անհրաժեշտ է քաղաքական այլընտրանքային ծրագիր, լիդերության ինստիտուտի ձևավորում: Սա բարդ ու ստեղծագործ աշխատանք է պահանջում, որոշ դեպքերում՝ ասիմետրիկ պատասխան իշխանությունների ագրեսիվ օրակարգին:
Հաջորդիվ, որոշակի պարբերականությամբ, կխոսեմ ընդդիմության անելիքների մասին»,-գրել է նա:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը
Ռուբլին թանկացել է․ փոխարժեքն՝ այսօր