Փաշինյանը ՔՊ-ին ասել է, թե ոչ ոքի չի խնայելու
«Քաղաքացիական պայմանագիր» կուսակցության օրերս տեղի ունեցած վարչության նիստում, Փաշինյանը հիմնականում քննարկել է Հայ առաքելական եկեղեցու և անձամբ Ամենայն Հայոց Կաթողիկոսի դեմ տարվող պայքարի մարտավարությունը։ Մեր աղբյուրների փոխանցմամբ, Փաշինյանը, ըստ էության, ներկայացրել է, թե ինչպես է տեսնում այդ պայքարը, ասել, որ մինչև վերջ գնալու է առանց որևէ ձևականությունների, որովհետև Հայ առաքելական եկեղեցին մի կողմից Հայաստանում ամենակայուն ինստիտուտն է, որը կարող է դիմադրողականության օջախ դառնալ։ Մյուս կողմից՝ հոգևորականները վստահ են, որ իշխանությունը ռիսկ չի անի մտնի Հայ առաքելական եկեղեցու գործերի մեջ, որքան էլ առայժմ իրավիճակը հանդարտներից չէ։
Փաշինյանը հայտարարել է, թե այս պահին քաղաքական ընդդիմությունն առանձնապես առանձնակի մեծ վտանգ չի ներկայացնում։ Թեպետ նրան տեղեկացրել են Ռուսաստանից, որ բավականին լուրջ պլաններ կան 2-րդ նախագահ Ռոբերտ Քոչարյանի հետ, բայց այս պահին, որպես հիմնական հակառակորդ, Փաշինյանը տեսնում է Հայ առաքելական եկեղեցուն։ Եկեղեցին նաև վտանգավոր է որպես աշխարհաքաղաքական միջազգային գործոն, քանի որ մեծ հեղինակություն է վայելում աշխարհում։ Օրերս Շվեյցարիայում տեղի ունեցած եկեղեցական ժողովն էլ հենց դրա ապացույցն է։
Հայ առաքելական եկեղեցին փաստացի Փաշինյանի ներկայացրած «Իրական Հայաստան» անհեթեթ գաղափարի հակառակորդն է, այլընտրանքը և ի տարբերություն գործող իշխանությունների չի դադարեցրել Արցախի ու արցախահայության շահերը ներկայացնելու գործը։ Ըստ էության, Նիկոլ Փաշինյանն իր կողմնակիցներին և վարչության անդամներին ասել է, որ պետք է մինչև վերջ ջարդի եկեղեցու դիմադրությունը, որևէ մեկին չի խնայելու, ընդհուպ կարող է գործը հասնել ձերբակալությունների, կալանավորումների, կամ էլ արքեպիսկոպոսների, սրբազանների վերաբերյալ ապօրինի ձեռք բերված կոմպրոմատներ հրապարակելուն։ Օրեր առաջ նա ուժային կառույցներին ապօրինի հրահանգ է տվել տեղեկություններ հավաքել Հայ առաքելական եկեղեցու սպասավորների մասին, որպեսզի այդ փաստերն օգտագործի եկեղեցուն հարվածելու նպատակով։
Լիլիթ Եփրեմյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ