Անհրաժեշտ է համազգային ապստամբություն. Իրանի տապալված շահի որդին դիմել է ժողովրդին
Իրանի վերջին շահի՝ 1979 թվականին Իսլամական հեղափոխության ժամանակ տապալված Մուհամեդ Ռեզա Փահլավիի որդին՝ Ռեզա Փահլավին, Իրանի դեմ Իսրայելի հարձակման ֆոնին, դիմել է երկրի ժողովրդին՝ հույս հայտնելով Իրանի Իսլամական Հանրապետության ռեժիմի անխուսափելի փլուզման վերաբերյալ։
«Իսլամական Հանրապետությունը հասել է իր վերջին և գտնվում է կործանման գործընթացում», - ասել է Փահլավին, որն իրեն համարում է այժմ թափուր իրանական գահի ժառանգորդը։
«Խամենեին, ինչպես վախեցած առնետ, թաքնվեց բունկերում և կորցրեց իրավիճակի վերահսկողությունը», - ասել է Փահլավին Իրանի ներկայիս գերագույն առաջնորդ այաթոլլահ Ալի Խամենեիի մասին։
«Այն, ինչ սկսվել է, անշրջելի է։ Ապագան պայծառ է: Ռեժիմի ճնշման ապարատը փլուզվում է։ Այժմ պարզապես անհրաժեշտ է համազգային ապստամբություն՝ այս մղձավանջին մեկընդմիշտ վերջ դնելու համար։ Հիմա ժամանակն է ոտքի կանգնելու, ժամանակը Իրանը վերադարձնելու։ Եկեք բոլորս առաջ գնանք՝ Բանդար Աբբասից մինչև Բանդար Անզալի, Շիրազից մինչև Սպահան, Թավրիզից մինչև Զահեդան, Մեշհադից մինչև Ահվազ, Շահր-ե-Քորդից մինչև Քերմանշահ՝ և վերջ դնենք այս ռեժիմին։ Մի՛ վախեցեք Իսլամական Հանրապետության անկումից։ Իրանը չի ընկղմվի քաղաքացիական պատերազմի կամ անկայունության մեջ։ Մենք ունենք ծրագիր Իրանի ապագայի և նրա ծաղկման համար։ Մենք պատրաստ ենք անկումից հետո առաջին հարյուր օրվան, անցումային շրջանին և ազգային ու ժողովրդավարական կառավարության հաստատմանը՝ Իրանի ժողովրդի կողմից և Իրանի ժողովրդի համար։
Զինվորականներին, իրավապահ մարմիններին, անվտանգության ուժերին և պետական ծառայողներին, որոնցից շատերը վերջին օրերին ինձ հաղորդագրություններ են ուղարկում, ես ասում եմ. մի՛ դեմ կանգնեք Իրանի ժողովրդին այն ռեժիմի համար, որի անկումը սկսվել է և անխուսափելի է։ Մի՛ զոհաբերեք ձեզ քայքայվող ռեժիմի համար։ Ժողովրդի կողքին կանգնելով՝ կարող եք փրկել ձեր կյանքը։ Խաղացեք պատմական դեր Իսլամական Հանրապետությունից անցման գործում և մասնակցեք Իրանի ապագայի կառուցմանը։ Մեր առջևում ազատ և ծաղկող Իրան է։ Թող որ շուտով միասին լինենք», - ասել է նա։
Փահլավին Իսրայելի հետ հակամարտության պատասխանատվությունը դրել է Խամենեիի և Իրանի իշխանությունների վրա։
Ռեզա Փահլավին ապրում է Միացյալ Նահանգներում։ Նա Իրանի Ազգային խորհրդի առաջնորդն է, որը Իսլամական Հանրապետության ընդդիմադիր կուսակցություն է և արգելված Իրանում։
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Երևանում և մարզերում լույս չի լինի. հասցեներ
Կյանքից հեռացել է 18-ամյա Ալեքսանդր Ղազարյանը․ ծնողը մեղադրում է հայաստանյան կրթական, բժշկական և հան...
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Իշխանությունների թիրախում են ակտիվ արցախցիները. «Հրապարակ»
Հայաստանի հետ մեզ հակադրելու փորձերը ձախողվելու են․ Վրաստանի վարչապետ