Քանի դեռ շարունակվում են իսրայելական հարվածները, Իրանը չի բանակցի․ Արաղչի

Իրանը պատրաստ է շարունակել խորհրդակցությունները Մեծ Բրիտանիայի, Գերմանիայի, Ֆրանսիայի և Եվրոպայի այլ երկրների հետ, ինչպես նաև դիտարկում է մոտ ապագայում «եվրոպական եռյակի» ձևաչափով ևս մեկ հանդիպում անցկացնելու հնարավորությունը, հայտարարել է Իրանի ԱԳ նախարար Աբաս Արաղչին՝ ամփոփելով Ժնում տեղի ունեցած բանակցությունների արդյունքները։

«Մենք աջակցում ենք եվրաեռյակի և ԵՄ անդամ այլ երկրների հետ խորհրդակցությունների շարունակումը, մենք նաև պատրաստ ենք մոտ ապագայում ևս մեկ հանդիպում անցկացնել»,- ասել է նա։

Միաժամանակ Արաղչին ընդգծել է, որ Իրանը կշարունակի ինքնապաշտպանության իր օրինական իրավունքի իրացումը և բանակցություններ չի վարի կողմերից որևէ մեկի հետ՝ քանի դեռ շարունակվում են իսրայելական հարձակումները։