Ի՞նչ պայմանագրեր են կնքվել Արշակ Կարապետյանի՝ պաշտպանության նախարար եղած ժամանակ. «Փաստ»
«Փաստ» օրաթերթը գրում է.
Որքան Նիկոլ Փաշինյանի վախերն ու անհանգստությունները խորանում են, այնքան ավելի վայրագ միջոցների է դիմում ընդդիմադիրների նկատմամբ: Բացառապես քաղաքական նկատառումներով «իրավապահ» գործիքակազմի ակնհայտ ապօրինի կիրառմանը զուգահեռ՝ քարոզչական «մարտի է նետել» տարատեսակ սատելիտների՝ քպական, թե քպամերձ:
Նպատակը հստակ է՝ առավելագույնս փորձել վարկաբեկել ընդդիմադիր գործիչներին և ուժերին: Ու այդ նպատակին հասնելու ճանապարհին, ինչպես միշտ, Փաշինյանը ոչ մի միջոցի առջև կանգ չի առնում, ընդհուպ՝ ակնհայտ կեղծ, շինծու տեղեկություններ հրապարակ նետելը: Օրինակ՝ վերջին օրերին իշխանական որոշ «խոսափողներ» շրջանառության մեջ են դրել թեզ, թե գեներալ-մայոր Արշակ Կարապետյանի՝ պաշտպանության նախարար եղած ժամանակ Ռուսաստանի հետ կնքված զենքի պայմանագրերը չեն կիրառվել, Հայաստանը զենք չի ստացել:
«Փաստը» դիմեց Կարապետյանին՝ խնդրելով պարզաբանել, թե ի՞նչ պայմանագրերի մասին է խոսքը: «Շատ պարզունակ են աշխատում իշխանություններն իրենց հակաքարոզչության մեջ: Նույնիսկ ակնհայտ, հեշտ ապացուցելի փաստերն են կեղծում ամբողջովին: Ամբողջ հարցն այն է, որ իմ պաշտոնավարման օրոք բացարձակապես ոչ մի պայմանագիր չի կնքվել, ավելին իմ՝ պաշտպանության նախարար նշանակվելու պահին ինձանից առաջ ստորագրված պայմանագրերի մատակարարումներն արդեն դադարեցված են եղել: Հակառակը, ես ամեն ինչ արել եմ, որ կարողանամ նախկինում կնքված պայմանագրերի սահմաններում զենք բերել, ինչը, թեկուզ ոչ մեծ ծավալներով, բայց հաջողվել է: Իշխանությունները ուրիշներին սևացնելու փոխարեն թող պատասխանեն, թե ինչու էին գնումներն իրականացնում մասնավորի միջոցով: Ռուսները պատրաստ էին հենց գործարանից ուղղակի մատակարարում իրականացնել, բայց սրանց ձեռք չէր տալիս դա, և աշխատեցնում էին մասնավորի միջնորդության սխեման, ինչը բարդություններ էր ստեղծում մատակարարման գործում: Թե ինչու էին դրանում շահագրգռված, թող իրենք պատասխանեն»,-ասաց Արշակ Կարապետյանը:
Մանրամասները՝ «Փաստ» օրաթերթի այսօրվա համարում
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը