«Վախկոտ է, կամազուրկ, անպատասխանատու». Փաշինյանն ինքն իրեն է նկարագրո՞ւմ
«Վախկոտ է, կամազուրկ, անպատասխանատու, ունի մարիոնետային հակումներ։ Ծույլ է, հայհոյախոս, բամբասկոտ, նարցիսիստ, ամբարտավան։ Որևէ մարդու հետ իր շփումն օգտագործում է այդ մարդու դեմ։ Ատում է մարդկանց։ Զզվանքով է վերաբերվում իր շրջապատի բոլոր այն մարդկանց, ովքեր խարիզմայի որևէ նշույլ ունեն։ Երջանիկ է զգում անդեմ, անողնաշար, անբան, կիսագրագետ և Վանո Սիրադեղյանի ասած՝ «շատ կարդացած, քիչ հասկացած» մարդկանց միջավայրում»,- այս խոսքերը լովին բնութագրում են ՀՀ վարչապետի պաշտոնը զբաղեցնող անձին, բայց, չգիտես ինչու, Փաշինյանը սոցցանցային իր գրառմամբ այսկերպ է բնութագրել Առաջին նախագահ Լևոն Տեր-Պետրոսյանին։
Առաջին նախագահի նկատմամբ Նիկոլ Փաշինյանի ու նրա կողմնակիցների առաջին հերթին կոնգրեսական անդամ ունեցողների բուռն ատելությունը հասկանալի է, Փաշինյանն էլ, քպականներն էլ հրաշալի հասկանում են, որ չեն կարող դուրս գալ Առաջին նախագահի ստվերից, ավելին, ի տարբերություն Տեր Պետրոսյանի, ով հաղթած և պետություն ստեղծող նախագահ էր, Փաշինյանը պետություն կործանող է։ Առաջին նախագահն էլ առիթը բաց չի թողնում նրան «ազգակործան պատուհաս» անվանելու։ Տեր Պետրոսյանը նաև եկեղեցու և ընդդիմության դեմ պայքարում, բնականաբար, անցել է Հայ Առաքելական Եկեղեցու կողմը։ Երեկ արդեն 2-րդ անգամ հանդիպել Ամենայն Հայոց Կաթողիկոսին, ընդ որում վերջինիս ընդունել իր առանձնատանը։
Շուրջ մեկ ժամ տևած զրույցի ընթացքում Հայաստանի ներկայիս իրավիճակի գնահատականից բացի անդրադարձ է կատարվել նաև Սամվել Կարապետյանի նկատմամբ Փաշինյանի կողմից սանձազերծված հաշվեհարդարին, ինչի առիթը եկեղեցու դեմ իշխանությունների հայտարարած պատերազմի համատեքստում վերջինիս արած հայտարարությունն էր։ Ըստ Տեր Պետրոսյանի, դա խոսք էր, որը ոչ այլ ինչ է, եթե ոչ սովորական քաղաքական հայտարարություն, ինչի իրավունքը, որպես Հայաստանի քաղաքացի, նա ունի: Նախագահի գնահատմամբ՝ Փաշինյանը պարտության մարմնավորում է։ Նա խայտառակ կերպով պարտվեց արցախյան պատերազմում, հաստատաբար պարտվելու է նաև Հայոց եկեղեցուն հայտարարած պատերազմում։
Փաշինյանը միայն այսօր էր արձագանքել Առաջին նախագահի և Կաթողիկոսի հանդիպմանը՝ Տեր-Պետրոսյանին «պետականակործան», Կաթողիկոսին էլ՝ «եկեղեցակործան» անվանելով։ Օրեր առաջ էլ նրա տխրահռչակ տիկինն էր անդրադարձել Առաջին նախագահին՝ «գիտնական ոջիլ», «մեռելի զդաչի» անվանելով։
Որքան էլ Փաշինյանն ու իր թիմակիցները փորձեն այս կերպ վիրավորել ու վարկաբեկել Առաջին նախագահին, փաստն այն է, որ հենց իրենք են մնացել դրա տակ։ Հասարակությունն արդեն հրաշալի գիտի, թե ով է Առաջին նախագահը և ով՝ Նիկոլ Փաշինյանը։
Նանե Հովհաննիսյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը