Պուտինը պետք է հասկանա, որ գնում է Բրեժնևի հետքերով. Լեհաստանի արտգործնախարար

Նոր սպառազինությունների մրցավազքը կարող է հանգեցնել Ռուսաստանի իշխանության փլուզմանը՝ ինչպես որ մի ժամանակ հանգեցրեց Խորհրդային Միության փլուզմանը: Այս մասին հայտարարել է Լեհաստանի արտաքին գործերի նախարար Ռադոսլավ Սիկորսկին։

Նրա խոսքով՝ Կրեմլը շատ թանկ պատերազմ է մղում Ուկրաինայի դեմ և նաև սպառնում է ամբողջ Արևմուտքին, այդպիսով ստիպելով նրան ավելացնել պաշտպանության ծախսերը:

«Պուտինը պետք է հասկանա, որ հետևում է Բրեժնևի ճանապարհին։ Նա ինքը մի անգամ ասել է, որ Խորհրդային Միությունը փլուզվեց, քանի որ չափազանց շատ գումար էր ծախսում զենքի վրա, և հիմա նա նույնն է անում։ Տեխասի չափ տնտեսությունից Պուտինը ստիպված կլինի ավելի շատ գումար քամել պաշտպանության համար։ Հուսով եմ՝ նույն արդյունքով ռեժիմի համար, բայց ավելի արագ»,-ասել է նա։