Բելգիայի հայ համայնքը դատապարտում է ՀՀ իշխանության հարձակումը Մայր Աթոռի վրա
«Իրապես աներևակայելի, մտահոգիչ և նույնիսկ կասկածելի դրդապատճառներով է, որ վերջին շրջանում շղթայազերծվել է պախարակման արշավ ՀՀ վարչապետի և նրա շրջապատի կողմից՝ Հայ Առաքելական Սուրբ Եկեղեցու և նրա սպասավորների դեմ, հաճախ նաև վարչապետի պաշտոնին անհարիր և անպատշաճ արտահայտություններով։ Անշուշտ, պոպուլիստական ելույթներում կասեն, թե իրենք դեմ չեն Հայ Եկեղեցուն և կրոնին, այլ միայն որոշ եկեղեցականների, սակայն հայ ժողովուրդն այդքան միամիտ չէ, որ չհասկանա՝ իրենց իրական նպատակը հենց Եկեղեցին է՝ իր հավատացյալներով։
Վերջին օրերին այս շարունակական սանձարձակ հարձակումները ուղղված են ոչ միայն Վեհափառ Հայրապետի կամ որևէ հոգևորականի դեմ, այլ ըստ էության՝ բացահայտ պատերազմ են մեր ազգային ինքնության, միասնականության և սրբությունների դեմ և անթաքույց ուղիղ հարված են մեր պետականության հիմքերին։
Հայ Առաքելական Եկեղեցին միշտ եղել է ազգային բնույթ ունեցող եկեղեցի և բացառիկ դերակատարում է ունեցել մեր ազգային ինքնության, լեզվի ու հավատքի պահպանման գործում՝ դարեր շարունակ։ Եվ զարմանալի չէ, որ այսօր՝ իշխանության կողմից Եկեղեցու նկատմամբ հնչող բոլոր վարկաբեկիչ հայտարարությունների և սպառնալիքների պայմաններում, Հայ Առաքելական Եկեղեցին շարունակում է մնալ ամենաբարձր հարգանք վայելող ինստիտուտը՝ հայ ժողովրդի կողմից։
Նույնպես չափազանց մտահոգիչ են հարձակումներն ու կալանավորումները, որոնք նորից լայնածավալ կերպով սկսվել են բոլոր նրանց դեմ, ովքեր իրացնում են իրենց սահմանադրական և քաղաքացիական իրավունքը՝ արտահայտելու իրենց տեսակետներն ու համոզմունքները ներկա իշխանության դեմ, ինչը ժողովրդավարության հիմնական սկզբունքներից մեկն է։
Անշուշտ կլինեն առարկողներ, թե մենք՝ Սփյուռքից, Հայաստանի ներքին հարցերին խառնվելու իրավունք չունենք, բայց այժմ հասել ենք մի հանգրվանի, երբ մեր ազգային արժեքներն անմիջական սպառնալիքի տակ են։
Այո՛, մենք իրավունք ունենք՝ որպես հայ ազգի մի մասնիկ։ Յուրաքանչյուրս պարտավոր ենք ստանձնել մեր պատասխանատվությունը մեր ժողովրդի և Հայրենիքի հանդեպ՝ փորձելով մեր իսկ մեծ կամ փոքր ներդրումով կանխել ապազգային և մեր ժողովրդի միասնությունը պառակտող համակարգված քայլերը։
Այսօր՝ թե՛ Բելգիայում, և թե՛ եվրոպական այլ երկրներում, մենք՝ հայերս, հաստատում ենք մեր կամքը՝ ամեն կերպ զորավիգ կանգնելու մեր Հայաստանյան Առաքելական Սուրբ Եկեղեցուն և հոգևոր հայրերին՝ պահպանելու համար մեր ազգային ինքնության հիմնական հենարանը»,- ասվում է հայտարարությունում»։
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ