Ռուս-ադրբեջանական հարաբերությունները կտրուկ սրվել են
Ռուս-ադրբեջանական հարաբերությունները կտրուկ սրվել են։ Բաքուն հրաժարվել է մասնակցել Ռուսաստանի Դաշնության հետ միջխորհրդարանական հանձնաժողովի 23-րդ նիստին։ Միլի մեջլիսի առաջին փոխխոսնակ Ալի Ախմեդովի գլխավորած պատվիրակությունը չի մեկնի Մոսկվա։ Ադրբեջանում չեղարկվել են Ռուսաստանի պետական և մասնավոր հաստատությունների կողմից կազմակերպված բոլոր մշակութային միջոցառումները, X-ում հայտնել է երկրի մշակույթի նախարարությունը: Խոսքը համերգների, փառատոների, ներկայացումների, ցուցահանդեսների և այլ միջոցառումների մասին է:
Հունիսի 28-ին էլ Ադրբեջանի արտաքին գործերի նախարարությունը կանչել էր Ռուսաստանի դեսպանատան գործերի ժամանակավոր հավատարմատարին և «խիստ բողոք» էր հայտնել նրան: Հունիսի 27-ին ՌԴ Անվտանգության դաշնային ծառայությունը հատուկ գործողություն էր իրականացրել Եկատերինբուրգի տարբեր հասցեներում, որոնց ընթացքում երկու ադրբեջանցի սպանվել էր, մի քանիսը վիրավորվել։ Նրանց կասկածում են 2001 թվականին տեղի ունեցած սպանությանն առնչություններ ունենալու մեջ։ Մոտ մեկ տասնյակ ադրբեջանցիներ ձերբակալվել էին, իսկ երեկ ռուսական իրավապահները գործողություններ են սկսել այլ քաղաքներում ևս։
Ադրբեջանական ԶԼՄ-ներն անթաքույց հակառուսական քարոզչությամբ են զբաղված, Մոսկվայում էլ տարակուսում են Բաքվի այս արձագանքից, զարմանում, որ օգնել են 44-օրյա պատերազմի ընթացքում և դրանից հետո, իսկ Ադրբեջանը պատշաճ երախտագիտություն չի ցուցաբերում։ Իր ուզածը ստանալով՝ Ալիևն այժմ ատամ է ցույց տալիս Ռուսաստանին։
Ռուս-ադրբեջանական սրումը կարող է ինչպես բացասաբար ազդել Հարավային Կովկասի վրա, այնպես էլ հնարավորություն դառնար Հայաստանի համար՝ վերականգնել Մոսկվայի հետ խաթարված հարաբերությունները։ Ողջամիտ իշխանությունը հենց այդպես էլ կվարվեր։ Փոխարենը, ՀՀ ԱԳՆ-ն այսօր հայտարարել է, թե արտաքին գործերի նախարար Արարատ Միրզոյանը չի մասնակցի ՀԱՊԿ-ի արտաքին գործերի նախարարների խորհրդի նիստին, որ նախատեսված է այսօր, Ղրղզստանում:
Էլիզա Օհանյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Աթոռ, բազկաթոռ բառերը սխալ են թարգմանել, որ կարողանան հավելյալ գումար գրել. պատգամավոր
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...