Փաշինյանը շտապում է Սամվել Կարապետյանի դեմ իր գործողություններում
Բարերար գործարար Սամվել Կարապետյանի դեմ գործող իշխանությունների տարած պայքարը, «Տաշիր գրուպ» ընկերությունում կատարվող խուզարկություններն ու «Հայաստանի էլեկտրական ցանցեր»-ի դեմ արշավն իրենց շտապողականությամբ նույնիսկ տարակուսանքի տեղիք են տալիս։ Ազգային ժողովը երեկ 65 կողմ, 30 դեմ և 0 ձեռնպահ ձայներով առաջին ընթերցմամբ ընդունել է «Հանրային ծառայությունները կարգավորող մարմնի մասին» և «Էերգետիկայի մասին» օրենքներում նախատեսված փոփոխությունների և լրացումների փաթեթը, այսպես ասած, ՀԷՑ-ի պետականացման ծրագիրը։
Ընդամենը մեկ օրվա ընթացքում խորհրդարանը պետք է 2-րդ ընթերցում անցկացնի։ Բնականաբար, հաշվի առնելով խորհրդարանում «Քաղպայմանագրի» պատգամավորների թիվը, այդ ընթերցումը ևս կանցնի և կուղարկվի ՀՀ նախագահի պաշտոնը զբաղեցնող Վահագն Խաչատուրյանին՝ վավերացման։ Այդ ընթացքում Փաշինյանը սպառնալիքներ է տեղում ՀԷՑ-ի աշխատողների հասցեին, ովքեր մտադիր են հուլիսի 4-ին մասնակցել ի պաշտպանություն Սամվել Կարապետյանի բողոքի ակցիային։
Քննչական կոմիտեին էլ քսի են տվել «Տաշիր գրուպ» ընկերության գրասենյակի վրա, քրեական գործ է հարուցվել իբր առանձնապես խոշոր չափերով փողերի լվացման և հարկերն ու տուրքերը չվճարելու հոդվածներով։ Երեկ 6 ժամից ավելի խուզարկություն է իրականացվել «Տաշիր գրուպի» գլխավոր գրասենյակում, առգրավել են համակարգիչներ, փաթեթներ, փաստաթղթեր։ Փաշինյանը շտապում է, հասկանալով, որ Սամվել Կարապետյանի դեմ արշավն իրեն հեշտությամբ չի տրվելու։ Կարապետյանը, ի տարբերություն այլ գործիչների և ուժերի, լուրջ ոսկոր է Փաշինյանի կոկորդում, և կարող է իշխանությանը մեծ գլխացավանք պատճառել։
Այդուհանդերձ, վա-բանկ գնալու իր սովորությունը չթողնելով, Փաշինյանն այս դեպքում էլ որոշել է գնալ մինչև վերջ, պատժել և ունեզրկել ռուսաստանաբնակ հայ գործարարին։ Իհարկե, հետագայում իրավական և քաղաքական լուրջ հետևանքներ է առաջացնելու, ընդհուպ Հայաստանի Հանրապետությունը կարող է հսկայական ֆինանսական կորուստներ կրել Փաշինյանի վրեժխնդրության էժանագին մարմաջի պատճառով, բայց նման մանրուքները Փաշինյանին բոլորովին չեն հետաքրքրում։ Ցանկացած ոք, ով փորձում է դեմ դուրս գալ նրա քաղաքականությանը, նման վրեժխնդրության թիրախ է դառնում։
Մելինե Թովմասյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Աթոռ, բազկաթոռ բառերը սխալ են թարգմանել, որ կարողանան հավելյալ գումար գրել. պատգամավոր
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...