Իրավապահ համակարգը վերածվել է իշխանության հլու կամակատարի. դատախազը շատ ակտիվ փուչիկ գործեր է կարում, բայց երեկ ԱԺ-ում եղածը ո՛չ տեսնում էր, ո՛չ լսում. Էլինար Վարդանյան
ԱԺ «Հայաստան» խմբակցության պատգամավոր Էլինար Վարդանյանը լրագրողների հետ զրույցում, անդրադառնալով ընդդիմադիր գործիչների դեմ հարուցված քրեական գործերին, վստահեցրեց՝ ակնկալիքներ չունի դատարանից, քանի որ առկա միտումները հստակ ցույց են տալիս՝ գործերը քաղաքական հարթության մեջ են:
«Ես որևէ դրական ակնկալիք դատարանից չունեմ։ Ակնհայտ է, որ այս գործով բոլորին դատարանները կալանավորեցին։ Հաշվի առնելով նաև, թե որ դատավորին է մակագրված այս գործը, և վերջինս ինչպես է նախկինում որոշումներ կայացրել այլ` ոչ պակաս անհիմն գործերով՝ միամտություն կլինի կալանքից բացի, այլ որոշում ակնկալել։ Իրավապահ համակարգը, ինչպես նաև դատական համակարգի զգալի մասը դարձել են իշխանության հլու կամակատարները»,-ասաց Վարդանյանը։
Նա հիշեցրեց նաև, որ գլխավոր դատախազն անձամբ ներկա էր խորհրդարանի վերջին նիստի աղմկոտ միջադեպին, սակայն մինչ օրս դատախազությունը որևէ արձագանք չի տվել:
«Դատախազը լուռ հետևում էր այն ամենին, ինչ կատարվում էր իր աչքի առաջ։ Սա այն դատախազն է, որ շատ ակտիվ փուչիկ գործեր է կարում, բայց երբ երեկ ամեն ինչ տեղի ունեցավ Ազգային ժողովում՝ ո՛չ տեսնում էր, ո՛չ լսում։ Երբ իրեն հրահանգ են տալիս, օրինակ՝ Սամվել Կարապետյանի գործով, միանգամից հաղորդում է ներկայացնում, շատ հետևողական է։ Բայց երբ միջադեպն իր առաջ է տեղի ունենում՝ լռում է։ Սա կրկին խոսում է այն մասին, որ ողջ համակարգը կազմալուծված է, մասնագետներն անգամ այլևս չեն հարգում սեփական մասնագիտությունը», – ընդգծեց պատգամավորը։
Էլինար Վարդանյանը քննադատեց իշխանության կողմից շրջանառվող թեզը, թե իբր կանխվել է «նոր հոկտեմբերի 27»:
«Ամեն ինչ շատ ծիծաղելի կլիներ, եթե այսքան տխուր չլիներ։ Այն, ինչ ներկայացվում է որպես ահաբեկչության նախապատրաստում, իրականում հիշեցնում է բակային զրույցներ կամ սրճարանային խոսակցություններ։ Եթե գունավոր պայթուցիկներն ու կոշիկի մեխերը ներկայացվում են որպես ահաբեկչական սպառնալիք, ապա նույն տրամաբանությամբ կարելի է ցանկացած քաղաքացու համարել պոտենցիալ ահաբեկիչ, միայն նրա համար, որ օրինական զենք ունի կամ տանը դանակ»,- ասաց Վարդանյանը։
Վարդանյանը նաև անդրադարձավ Սեյրան Օհանյանին առաջադրված մեղադրանքներին՝ շեշտելով, որ իրավական գնահատական կարող է տրվել միայն ապացույցների առկայության պարագայում։
«Նախ պետք է ապացուցվի, որ Սևանի առանձնատունը պատկանում է հենց Սեյրան Օհանյանին, այնուհետև՝ թե այնտեղ ինչ ապօրինություններ են եղել։ Ես այնտեղ չեմ եղել, չեմ տեսել։ Լուսանկարներից բացի՝ որևէ բան չունեմ հիմք ընդունելու։ Իսկ եթե շինությունն ապօրինի էր՝ ինչու չէիք քանդում դեռ 2017-ից, երբ գործն արդեն կար։ Կամ միայն ընդդիմադիրների՞ շինություններն են ապօրինի»,-եզրափակեց պատգամավորը։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Կյանքից հեռացել է 18-ամյա Ալեքսանդր Ղազարյանը․ ծնողը մեղադրում է հայաստանյան կրթական, բժշկական և հան...
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Իշխանությունների թիրախում են ակտիվ արցախցիները. «Հրապարակ»
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն