Դատախազի միջնորդագիրը բացարձակ անհիմն էր, բայց ակնհայտ էր քաղաքական որոշումը՝ կալանավորելու Արթուր Սարգսյանին. Խուդոյան
«Ահաբեկչության փորձի» գործով Սրբազանների և մյուս կալանավորված անձանց պաշտպան Հովհաննես Խուդոյանը համոզված է՝ ընդդիմադիր գործիչների նկատմամբ իրականացվող գործընթացներն իրավական չեն, այլ՝ հստակ պլանավորված քաղաքական հետապնդում։ Այս մասին նա հայտարարեց հրավիրված ասուլիսին:
Փաստաբանը, անդրադառնալով Ազգային ժողովում ներկայացված միջնորդագրերին, ասաց, որ Սեյրան Օհանյանի և Արծվիկ Մինասյանի գործերին չեն հասցրել հետևել աշխատանքային ծանրաբեռնվածության պատճառով։ Սակայն Արթուր Սարգսյանի վերաբերյալ միջնորդագրին հետևել են մանրամասն, քանի որ այն ուղղակիորեն առնչվում է իրենց պաշտպանյալների գործին։
«Դա էր միակ աղբյուրը, որից կարող էինք, թեկուզ այս փուլում՝ նախաքննական գաղտնիքի պայմաններում, հղումներ տալ և բացահայտել իրավապահների մանիպուլյացիաները։ Միջնորդագիրը բացարձակ անհիմն էր, բայց ակնհայտ էր քաղաքական որոշումը՝ կալանավորելու Արթուր Սարգսյանին»,-ասաց Խուդոյանը։
Նրա խոսքով՝ ողջ գործընթացն իր ամբողջությամբ՝ իրավապահների մանիպուլյատիվ, ընտրողական և հաճախ վիրավորական գործողություններից մինչև զրպարտիչ քարոզչական արշավը, վկայում է այն մասին, որ սա նախապես պլանավորված արշավ է՝ ընդդիմադիր հայացքներ ունեցող անձանց դեմ։
Խուդոյանը նաև բարձրաձայնեց մտահոգություններ, որ գործընթացները կարող են դուրս գալ միայն ընտրությունների համատեքստից։ Նրա խոսքով՝ հուլիսի վերջում նախատեսված է ինչ-որ կարևոր փաստաթղթի ստորագրում, ինչի մասին, հայտարարել է նաև Բագրատ Սրբազանը։
«Արդեն իսկ սկսվել է եկեղեցու դեմ ուղղված քարոզչական արշավ, և սա ևս մեկ ցուցիչ է, որ իշխանությունը նպատակ ունի ճնշելու հանրային ընդվզման հնարավոր բոլոր կենտրոնները՝ սկսած հոգևորից մինչև քաղաքականը»,- ասաց փաստաբանը:
Նա հավելեց, որ փորձ է արվում կանխել ցանկացած դժգոհության արտահայտում կամ փողոցային գործընթաց՝ ճնշումների ու քարոզչական մեխանիզմների միջոցով։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը
Դոլարն էժանացել է, ռուբլին՝ թանկացել․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է