Փաշինյանը մտադիր է փակել ռուսական ԶԼՄ-ները Հայաստանում
Տակավին օրեր առաջ կարծիք էինք հայտնել, որ հայաստանյան արևմտամետները շարունակելու են ռուսական ալիքները փակելու կոչերով իրենց ակցիաները, պահանջելով Հայաստանի իշխանություններից հանրային մուլտիպլեքսից հեռացնել ռուսաստանյան ալիքները։ Մինչ Ադրբեջանը արշավ է սկսել ռուսական լրատվամիջոցների դեմ Ադրբեջանի տարածքում, Հայաստանի գործող իշխանություններն էլ փորձում են օգտվել առիթից և իրենք էլ նույնն իրականացնել Հայաստանում, իսկ դրա համար պարարտ հող է ստեղծվել։
Օրերս Հեռուստատեսության և ռադիոյի հանձնաժողովը բարձրացրել է ռուսական ալիքների վերահեռարձակումը դադարեցնելու հարցը, մեղադրելով, որ դրանց եթերում Հայաստանի պետական ինստիտուտների ու քաղաքացիներին հասցեագրված են վիրավորական արտահայտություններ, խեղաթյուրված գնահատականներ, փաստերի փոխարեն հուզական ու ագրեսիվ բնորոշումներ։ Հանձնաժողովի տված պասը վերցրել էր Հանուն Հանրապետություն կուսակցությունը և նրա նախագահ Արման Բաբաջանյանը։ Երեկ նրանք Բարձր տեխնոլոգիական արդյունաբերության նախարարության շենքի մոտ բողոքի ակցիա են իրականացրել։ Ընդ որում, պահանջների մեջ ոչ միայն ռուսական 2 հեռուստաալիքների վերահեռարձակումը դադարեցնելն է, այլ նաև Հայաստանում գործող «Սպուտնիկ Արմենիա» լրատվական գործակալության կասեցումը։
Գործող իշխանությունները չեն կարող իրենք բացահայտ առաջ մղել այս պահանջները, և դա փորձում են անել իրենց կցված արևմտամետ գործիչների ու քաղաքական ուժերի միջոցով։ Հաշվի առնելով այդ բողոքի ակցիաների բավականին լավ կազմակերպվածությունը, ռեսուրսներն արագ կազմակերպելու ընդունակությունը, ակնհայտ է, որ «Հանուն հանրապետության» կուսակցության գործողությունները համաձայնեցվում, ավելի ճիշտ՝ թելադրվում են հենց գործող իշխանությունների կողմից։ Այդկերպ Փաշինյանը մի կողմից ռուսական կողմի մոտ փորձում է չքմեղանալ, թե ինքը կապ չունի, մյուս կողմից էլ աջակցություն են հայտնում հակառուսական գործողություններին։ Բնական է, Կրեմլում սա հրաշալի հասկանում են և հենց դրա հետ էր կապված օրերս Հայաստանի դեսպանին ԱԳՆ կանչելն ու բողոքի հայտարարություն անելը։
Ելենա Պետրոսյան
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
Իրանը հրթիռների վրա փակցրել է Իսպանիայի վարչապետի նկարը, որը հրաժարվել է աջակցել ԱՄՆ-ի հարվածներին
Ամերիկյան F-35 կործանիչն իրանական կրակի հետևանքով արտակարգ վայրէջք է կատարել․ CNN
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
Ինչ նվերներ է ստացել Սուրեն Պապիկյանը Իրանի զոհված ՊՆ-ից
Զոհված զինծառայողի քույրը՝ անչափահաս երեխաների մայրը տանն է․ նրան նորից կհարցաքննեն․ Մանուկյան
ԱՄՆ-ն Եվրոպայից տեղափոխել է Patriot հակահրթիռային համակարգերը Մերձավոր Արևելք
«Պատիվ ունեմ»-ը Փաշինյանի գործողությունների դեմ նախագիծ է ներկայացրել ԱԺ. «Հրապարակ»
Արցախի հանձնումից հետո պատերազմ հնարավոր է միայն մեկ դեպքում, եթե Նիկոլն ինքը հրահրի այդ պատերազմը