Ձախողված հանդիպում, արտապատվիրակված ինքնիշխանություն
Աբու Դաբիում Նիկոլ Փաշինյանի ու Իլհամ Ալիևի՝ հինգ ժամ տևած բանակցություններից հետո ոչ պաշտոնական Երևանը, ոչ Բաքուն որևէ կոնկրետ համաձայնության մասին չեն հաղորդում: Կողմերը միայն նույնաբովանդակ հայտարարություններ են տարածել, իսկ որևէ փաստաթուղթ այդպես էլ չի ստորագրվել։ Այդուհանդերձ, ադրբեջանական ԶԼՄ-ների տեղեկությունները, թե հանդիպմանը քննարկել են, այսպես կոչված «Զանգեզուրի միջանցքի» հարցը, կարծես չի հերքվում ՀՀ իշխանությունների կողմից։
Փաշինյանական իշխանությունը փորձում է հանդիպումը որպես հաջողված ներկայացնել։ Ըստ ԱԳՆ-ի, «այն կարող է խաղաղության գործընթացի հետագա իրացման լուրջ հիմք հանդիսանալ»: Մինչդեռ թե՛ հանդիպման արձագանքները, թե՛ դրանից հետո Երևանից հնչող կիսաձայն շշուկները վկայում են Փաշինյանի հերթական ձախողման մասին։
Փոխարտգործնախարար Մնացական Սաֆարյանը երեկ հայտարարել է, թե սկզբունքների պահպանման դեպքում Հայաստանը դեմ չէ Սյունիքի ճանապարհի արտապատվիրակմանը։ Դրանից հետո բարձրացած աղմուկին ԱԳՆ-ն փորձեց արձագանքել, թե արտապատվիրակման մեջ որևէ վատ բան չկա։ Բայց փաստն այն է, որ ՀՀ իշխանությունները գրեթե բառացի համաձայնություն են տվել միջանցքի բացմանը։ Թուրք-ադրբեջանական տանդեմը դրան «Զանգեզուրի միջանցք» կասի, Փաշինյանը՝ «Խաղաղության խաչմերուկ», բայց հարցի էությունը չի փոխվում, ՀՀ ինքնիշխանությունը զգալիորեն նվազելու է։
Տարօրինակն այս ամենում ԱՄՆ արձագանքն էր։ ԱՄՆ պետքարտուղարության խոսնակ Թեմի Բրյուսը նախ նշել է, թե Միացյալ Նահանգներն աջակցում է Հարավային Կովկասում խաղաղություն և կայունություն ապահովելուն ուղղված ջանքերին։ Միևնույն ժամանակ, Պետքարտուղարությունը չի մեկնաբանում Ադրբեջանը Հայաստանի տարածքով Նախիջևանի հետ կապող ճանապարհի վերաբերյալ Երևանին ու Բաքվին Վաշինգտոնի առաջարկի մասին հրապարակումները: «Մամուլի հրապարակումների վերաբերյալ տեղեկություն չունենք հաղորդելու», -հայտնել է Պետքարտուղարության խոսնակը:
Անցած շաբաթասկզբին «Քարնեգի» հիմնադրամը, դիվանագիտական աղբյուրներին հղում անելով, գրել էր, որ ԱՄՆ նախագահ Թրամփի վարչակազմը Երևանին և Բաքվին Հայաստանի տարածքով Ադրբեջանը Նախիջևանին կապող ճանապարհի բացման առաջարկ է արել: Խոսքը ճանապարհի կառավարումն օտարերկրյա, մասնավոր ընկերությանը պատվիրակելու մասին է։ Թերևս, հենց այս դետալներում է թաքնված գլխավոր վտանգը, որը փորձում են ոչ այնքան խնամքով թաքցնել ՀՀ քաղաքացիներից։
Արևիկ Աբելյան
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
Իրանը հրթիռների վրա փակցրել է Իսպանիայի վարչապետի նկարը, որը հրաժարվել է աջակցել ԱՄՆ-ի հարվածներին
Ամերիկյան F-35 կործանիչն իրանական կրակի հետևանքով արտակարգ վայրէջք է կատարել․ CNN
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
Ինչ նվերներ է ստացել Սուրեն Պապիկյանը Իրանի զոհված ՊՆ-ից
Զոհված զինծառայողի քույրը՝ անչափահաս երեխաների մայրը տանն է․ նրան նորից կհարցաքննեն․ Մանուկյան
ԱՄՆ-ն Եվրոպայից տեղափոխել է Patriot հակահրթիռային համակարգերը Մերձավոր Արևելք
«Պատիվ ունեմ»-ը Փաշինյանի գործողությունների դեմ նախագիծ է ներկայացրել ԱԺ. «Հրապարակ»
Արցախի հանձնումից հետո պատերազմ հնարավոր է միայն մեկ դեպքում, եթե Նիկոլն ինքը հրահրի այդ պատերազմը