Եկեղեցու համախմբվածությունը խուճապի է մատնել Փաշինյանին
Մայր Աթոռ Սուրբ Էջմիածնում երեկ Քահանայից ժողով է կայացել, որի մասնակիցները խորը մտահոգություն են հայտնել «հայրենի երկրում տեղ գտնող վերջին օրերի ցավալի զարգացումներով»: «Համայն հայության Սրբություն Սրբոցի նկատմամբ սույն ոտնձգությունը, սրբավայրի աղոթական միջավայրի խաթարումը և Ամենայն Հայոց Հայրապետի ու հոգևոր դասի նկատմամբ նման վերաբերմունքը խստորեն դատապարտելի և մերժելի են։ Հայոց Եկեղեցու նվիրապետության, մեր նվիրական արժեքների ու սրբությունների թիրախավորումն անընդունելի է և անհանդուրժելի՝ հղի ազգի և հայոց ապագայի համար անդառնալի հետևանքներով։ Հարկ չկա հայրենիքը և մեր ժողովրդին կանգնեցնել նոր ցնցումների և արհավիրքների առջև», - հայտարարել են Քահանայից հավաքի մասնակիցները:
Մեր տեղեկություններով, ժողովի ընթացքում բոլոր քահանաներն իրենց աջակցություն են հայտնել Ամենայն Հայոց Կաթողիկոսին, և որևէ մեկը նույնիսկ կես խոսքով չի փորձել արդարացնել իշխանությունների վարքը։
Արշավ սկսելով եկեղեցու վերնախավի և կաթողիկոսի դեմ՝ Նիկոլ Փաշինյանը, ըստ ամենայնի, հույս է ունեցել, որ եկեղեցու ներսում էլ որոշակի աջակցություն կարող է ստանալ, քահանաների և եպիսկոպոսների մի մասին օգտագործել իր կեղտոտ նպատակների համար։ Եկեղեցում էլ, ինչպես ցանկացած կենդանի օրգանիզմում հակասություններ և խնդիրներ կարող են լինել, բայց այս դեպքում Հայ առաքելական եկեղեցու միասնականությունը լրջորեն անհանգստացրել է գործող իշխանություններին։ Նույնիսկ ԵՊՀ Աստվածաբանական ֆակուլտետի դեկան Անուշավան եպիսկոպոս Ժամկոչյանին չխնայեցին, հեռացրեցին պաշտոնից, քանի որ նա մասնակցել էր հօգուտ Սամվել Կարապետյանի բողոքի ակցիային։ Իսկ Ժամկոչյանին համարում էին իշխանության աջակից։ Թերևս, եկեղեցականները հասկացել են, որ առանձին-առանձին Փաշինյանին կհաջողվի իրականացնել իր ստոր մտահղացումները, և որոշել են միասնական հանդես գալ ապիկար ու դավաճան իշխանության դեմ։ Հենց դա է խուճապ առաջացնում ՔՊ շարքերում։
Դիանա Բարխուդարյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը
Դոլարն էժանացել է, ռուբլին՝ թանկացել․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է