«Տաքսու Վարորդը՝ Ճնշված Հայաստանում»․ Հրայր Կամենդատյան

Քույրեր և եղբայրներ,

Ես այսօր ուզում եմ խոսել այն մարդկանց մասին, ովքեր օրական 10-14 ժամ ավտոմեքենայի մեջ են՝ առանց բողոքելու։

 

Այո՛, ես խոսում եմ մեր քաղաքի ու գյուղի տաքսու վարորդների մասին՝ մարդիկ, որոնք իրենց քրտինքով պահում են ոչ միայն իրենց ընտանիքները, այլ նաև պահում են քաղաքը շարժման մեջ։

Բայց գիտե՞ք, ինչով է ապրում այդ մարդը։

Ահա ամենօրյա ծախսերի ճշգրիտ պատկերը։

 

Ահա մի օրվա հաշվարկ, որը ցույց է տալիս, թե ինչքան գումար է ծախսում Հայաստանում միջին տաքսու վարորդը՝ աշխատելով օրինակ Երևանի փողոցներում՝ Yandex, GG կամ Bolt հարթակում։

Ծախսի տեսակ Միջին գումար (դրամ)։

 

Վառելիք՝ Գազ (CNG կամ LPG) 6,500 Օրական 180-220 կմ ընթացք, միջին ծախս 11 լիտր գազ, գնի միջին արժեք՝ 590 դրամ/լիտր։

 

Պլատֆորմի միջնորդավճար 3,000 Yandex/Bolt վերցնում է ~20%–25% վարորդի վաստակից։

Մեքենայի մաշվածություն (օրվա կտրվածքով) 1,500 Ճակատային կախոցներ, անիվների խնամք, յուղափոխություն (ամսական ծախսի օրական մասը)։

 

Լիզինգ/վարձակալություն 3,500 Եթե մեքենան սեփականը չէ, վարորդը վճարում է ամսական 100–120 հազ․ դրամ։

 

Մեքենայի լվացք 500 Որոշ վարորդներ լվանում են օրը մեկ անգամ կամ մեկ երկու օրը մեկ

Ապահովագրություն և տեխնիկական զննում 300 Օրական հաշվարկ՝ ՏՊԱ ապահովագրության և զննման տարեկան արժեքից։

 

Տուգանքներ և հավելյալ ռիսկեր , չտեսնված խաչմերուկ, արագություն կամ քաղաքապետարանի պատահական նկարող տեսախցիկ։

Ընդհանուր օրական ծախս՝ 15,800 դրամ – 18,000 դրամ։

 

Իսկ ինչ եկամուտ ունի վարորդը։

Մեկ օրվա աշխատանքից հետո վարորդը կուտակում է միջինը՝

20,000 – 25,000 դրամ շրջանառություն։

Բայց սա ոչ թե շահույթ է, այլ ընդհանուր շրջանառություն, որից հանվում են բոլոր վերոնշյալ ծախսերը։

 

Արդյունքում՝ Զուտ շահույթ՝ ընդամենը 5,000 – 10,000 դրամ։

Եվ սա՝ միայն այն դեպքում, եթե նա 12 ժամ շարունակ մեքենայի մեջ է եղել։

 

Իսկ սա ինչ է նշանակում վարորդի համար։

Դա նշանակում է՝ նա չունի հանգստի օր։

Դա նշանակում է՝ նա հիվանդության ժամանակ չի աշխատում՝ և չի ուտում։

Դա նշանակում է՝ նա կենսաթոշակ չի ունենա։

Եվ ամենավատը՝ դա նշանակում է, որ պետությունը նրան լքել է։

Մենք չենք կարող լռել։

Մենք չենք կարող թույլ տալ, որ տաքսու վարորդը լինի այս պետության անտեսված ստրուկը։

Մենք պետք է պահանջենք.

 

ՊԱՀԱՆՋՆԵՐ

1. Պետական կարգավորում հարթակների վրա, որպեսզի միջնորդավճարները իջեցվեն 10%-ից ոչ ավել։

2. Վարորդի համար թեթևեցված հարկային ռեժիմ՝ պարզ ձևակերպումներով։

3. Անվճար կամ սուբսիդավորված պարտադիր ապահովագրություն՝ վարորդների համար։

4. Սոցիալական ֆոնդ՝ հարթակային աշխատող վարորդների թոշակի համար։

Վերջապես, մենք պետք է հստակ ասենք:

Տաքսու վարորդը Հայաստանը շարժող մարդն է։

Եթե պետությունը լքում է նրան՝ նա կլքի պետությունը։

Իսկ մենք չենք լքի։

Հայաքվեն ձեզ հետ է։