ՌԴ դաշնակիցը մասնակցելու է ՆԱՏՕ-ի վարժանքներին
Հուլիսի 25-ից օգոստոսի 6-ը Վրաստանում կանցկացվի Agile Spirit 2025 միջազգային զորավարժությունը, որին, ըստ վրացական պաշտոնական հաղորդագրության, որպես դիտորդ մասնակցելու է նաև Հայաստանը։ Զորավարժությանը մասնակցելու է 2800 զինծառայող Վրաստանից, ԱՄՆ-ից (800 հոգի), Թուրքիայից, Լեհաստանից, Գերմանիայից, Իտալիայից, Հունաստանից, Մոլդովայից, Ռումինիայից, Բուլղարիայից, Սլովակիայից, Լիտվայից և Ուկրաինայից։ Հայաստանից բացի, դիտորդի կարգավիճակ է ունենալու նաև Ճապոնիան։ Գերմանական և ռումինական անձնակազմերը կաջակցեն հրամանատարական շտաբին, մինչդեռ բուլղարացի և մոլդովացի զինվորականները վրացական զորքերի հետ միասին կմասնակցեն դաշտային վարժանքներին։ Սա առաջին անգամ է, որ ՆԱՏՕ-ի զորավարժությունների մի հատված անցկացվելու է ոչ միայն Վրաստանի տարածքում, այլ նաև՝ Թուրքիայի։
Հայաստանը մի քանի անգամ մասնակցել է այդ զորավարժություններին, բայց վերջին տարիներին զերծ էր մնում մասնակցելուց, որպեսզի չզայրացնի Ռուսաստանին։ Մոսկվան խանդով է վերաբերվում, որ ՀԱՊԿ գծով իր գործընկերը մասնակցում է ՆԱՏՕ-ի վարժանքներին։ Փաշինյանի իշխանությունը, որ ՌԴ-ից ազատվելու կուրս է վերցրել, այս անգամ, կարծես, խնդիր չի տեսնում մասնակցելու մեջ։ Ընդ որում, վերջին պահին է որոշվել մասնակցել որպես դիտորդ, նույնիսկ քննարկվում էր ամբողջական զորակազմով մասնակցել այդ զորավարժություններին։
Մանե Օհանյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Հրապարակ»․ Անդրանիկ Քոչարյանը չի ուզում Ալեն Սիմոնյանի վիճակում հայտնվել
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
«Ժողովուրդ». Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել
«Գազպրոմ Արմենիա»-ն հայտարարություն է տարածել
Ուկրաինան շուտով ԱՄՆ-ից կստանա hրթիռներ Patriot համակարգերի համար. Զելենսկի
«Իրավունք». Նարեկ Կարապետյանի հայտարարությունից հետո թիմում մեծ մասը հրաժարվում է մանդատներից
«Իրավունք». Տղե՛րք, էս ո՞ւր. մի շարք թեկնածուներ շտապել են լքել հարազատ քաղաքական ուժի շարքերը
«Հրապարակ»․ Մհեր Ախտոյանը եւ հայրն արտերկրում անհետացել են