Թեհրանը կողջունի Ռուսաստանի կողմից ԱՄՆ-ի հետ երկխոսության ցանկացած նախաձեռնություն․ Մոսկվայում Թեհրանի դեսպան
Թեհրանը ողջունելու է ԱՄՆ-ի հետ ցանկացած երկխոսության նախաձեռնություն (այդ թվում՝ Ռուսաստանի կողմից), որը կպահպանի Իրանի ուրանի հարստացման իրավունքը և կօգնի վերացնել պատժամիջոցները, այս մասին ՌԻԱ Նովոստիին ասել է Մոսվկայում Իրանի դեսպան Կազեմ Ջալալին։
«Իրանի արտաքին գործերի նախարար Աբբաս Արաքչին Մոսկվա այցի ժամանակ ասել է, որ եթե Ռուսաստանը քաղաքական նախաձեռնություններ ունի, կարող է դրանք ներկայացնել՝ հաշվի առնելով մեր կարմիր գծերը, և մենք կքննարկենք այդ նախաձեռնությունները։ Ուստի, եթե մեր բարեկամները ցանկանան ակտիվ դեր ունենալ՝ Իրանը դա ողջունելի կհամարի, հատկապես նման երկրի կողմից, ինչպիսին Ռուսաստանն է, որի նկատմամբ մենք վստահություն ունենք», — ասել է դեսպանը։
Ջալալին ընդգծել է, որ Իրանի համար առաջարկվող ցանկացած նախաձեռնության մեջ պետք է հաշվի առնվեն երկրի երկու կարևոր կարմիր գծերը՝ ուրանի հարստացման իրավունքն իր տարածքում և պատժամիջոցների վերացումը։ Եթե այս երկու պայմաններն ապահովվեն, Թեհրանը կողջունի այն նախաձեռնությունները, որոնք գալիս են Իրանի բարեկամ երկրների՝ Ռուսաստանի և Չինաստանի կողմից, նշել է դեսպանը։
Նա նաև հավելել է, որ Իսրայելը հարձակվել է Իրանի վրա Մասկատում։ Դա տեղի է ունեցել ԱՄՆ-ի հետ բանակցությունների նախօրեին, որոնք պետք է կայանային հունիսի 15-ին, սակայն դրանք չեղարկվել են։ ԱՄՆ-ը նույնպես միացել է իսլամական հանրապետության միջուկային օբյեկտների ուղղությամբ Իսրայելի հարվածներին։ Դեսպանի խոսքերով՝ այդ ամենն ամրապնդել է Վաշինգտոնի նկատմամբ Թեհրանի «անվստահության պատը» ։
«Դա մի քայլ էր, որը վնասել է Իրանի վստահությանը (ԱՄՆ-ի նկատմամբ – խմբ.)՝ ինչպես կառավարության, այնպես էլ ժողովրդի վստահությանը», - նշել է դեսպանը։
Այն հարցին, թե արդյոք Ռուսաստանը լծակներ ունի ԱՄՆ-ի վրա՝ միջուկային խնդրի շուրջ համաձայնության հասնելու համար, դեսպանը նշել է, որ այժմ Ռուսաստանի և ԱՄՆ-ի նախագահներ Վլադիմիր Պուտինի և Դոնալդ Թրամփի միջև լավ հարաբերություններ են ձևավորվել։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը