Փաշինյանը փորձում է հետքայլ անել. Եկեղեցու դեմ արշավանքը կարող են չեղարկել
Եկեղեցու դեմ արշավելու համար, Փաշինյանը ցանկանում է օգտագործել պետական ողջ ռեսուրսը, Էջմիածին հանրահավաքի տանել քաղաքապետարանների, թաղապետարանների աշխատակիցներին, դպրոցների անձնակազմերին, ընդհուպ երեխաների ծնողներին։ Այդ գործողության ողջ պատասխանատվությունը դրված է վարչապետի աշխատակազմի ղեկավար, տխրահռչակ Արայիկ Հարությունյանի վրա։ Մեր տեղեկություններով, վերջինս Փաշինյանին զեկուցել է, որ առանձնակի որևէ հաջողությունների այդ առումով չեն հասել։ 1-2 դպրոցների տնօրեններ, որոնք հանդգնել էին հաջակցություն հայտնել սոցիալական ցանցերում Փաշինյանի եկեղեցու դեմ արշավին, այնպիսի քննադատությունների տարափի տակ են հայտնվել, որ ստիպված են եղել հանգստանալ։
Մի քանի դպրոցներում, ըստ մեր աղբյուրների, վերջին օրերին ծնողական ժողովներ են եղել, որոնց շատ քիչ մարդիկ են մասնակցել՝ հաշվի առնելով արձակուրդային սեզոնը, իսկ մասնակիցներն էլ տնօրեններին տեղեկացել են, որ ոչ միայն չեն մասնակցելու նման արշավի, այլև, եթե իրենց փորձեն ստիպել, երեխաներին կհանեն դպրոցներից։ Լուրջ դժգոհություն կա նաև պետական համակարգի այլ օղակներում։ Հասարակությունը չի ցանկանում թաթախվել Փաշինյանի ապազգային այս հանցագործության մեջ և, ըստ էության, լավագույն դեպքում Փաշինյանը կարողանա հավաքել մի քանի հազար մարդ՝ ուժերի գերլարումով, այն էլ իրավապահներ, հաստիքային գործակալներ կամ էլ իր ամենամոլի զոմբիներին ու որոշ աղանդավորների։
Թեպետ վերջիններիս մասով այնքան էլ մեծ վստահություն չկա։ Աղանդավորական կազմակերպություններն էլ հասկանում են, որ Հայ առաքելական եկեղեցու դեմ դուրս գալու դեպքում իրենք էլ հայտնվելու են թիրախում, ուստի չեն ցանկանում աջակցել Փաշինյանին։ Մեր տեղեկություններով, նույնիսկ քննարկվում է Էջմիածնում կայանալիք այդ հանրահավաքը տեղափոխելու կամ էլ սուսուփուս չեղարկելու հարցը։ Փաշինյանը հայտնվել է ցայտնոտի մեջ, չգիտի, թե ինչպես վարվի, և այժմ ուղիներ է մտմտում դուրս գալու փակուղային իրավիճակից։ Հայ առաքելական եկեղեցին էլ իր բավական զուսպ կեցվածքով ավելի է խորացնում Փաշինյանի վախերը։
Մարինե Սարգսյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Հրապարակ»․ Անդրանիկ Քոչարյանը չի ուզում Ալեն Սիմոնյանի վիճակում հայտնվել
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
«Ժողովուրդ». Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել
«Գազպրոմ Արմենիա»-ն հայտարարություն է տարածել
Ուկրաինան շուտով ԱՄՆ-ից կստանա hրթիռներ Patriot համակարգերի համար. Զելենսկի
«Իրավունք». Նարեկ Կարապետյանի հայտարարությունից հետո թիմում մեծ մասը հրաժարվում է մանդատներից
«Իրավունք». Տղե՛րք, էս ո՞ւր. մի շարք թեկնածուներ շտապել են լքել հարազատ քաղաքական ուժի շարքերը
«Հրապարակ»․ Մհեր Ախտոյանը եւ հայրն արտերկրում անհետացել են