Կանանց ԵՎՐՈ-2025․ Իսպանիան հաղթեց Գերմանիային՝ պատմության մեջ առաջին անգամ դուրս գալով եզրափակիչ

Կանանց ԵՎՐՈ-2025-ի երկրորդ կիսաեզրափակիչ խաղում Իսպանիայի և Գերմանիայի հավաքականները հանդիպման հիմնական ժամանակն ավարտեցին գոլազուրկ ոչ ոքի (0։0)։

Լրացուցիչ ժամանակի առաջին խաղակեսում ևս գոլեր չգրանցվեցին։ Սակայն լրացուցիչ ժամանակի ավարտից 7 րոպե առաջ՝ 113-րդ րոպեին, «ֆուրիա ռոխայի» կազմում հաղթական գոլը խփեց «Ոսկե գնդակի» գործող դափնեկիր, «Բարսելոնայի» կանանց թիմի կիսապաշտպան Այտանա Բոնմատին։

Այսպիսով, Իսպանիայի կանանց հավաքականը պատմության մեջ առաջին անգամ դուրս եկավ ԵՎՐՈ-ի եզրափակիչ, որտեղ կմրցի գործող չեմպիոն՝ Անգլիայի կանանց ընտրանու հետ։

Եզրափակիչը կկայանա հուլիսի 27-ին, Երևանի ժամանակով՝ 20։00-ին։