Փաշինյանի կոչը՝ հավաքվել Մայր Աթոռի մոտ՝ Ամենայն Հայոց Կաթողիկոս Գարեգին Բ-ի կեցավայրը փաստացի գրավելու նպատակով, ստրատեգիական սխալ է. Արա Աբրահամյան
Հայաստանի վարչապետ Փաշինյանի կոչը՝ հավաքվել Մայր Աթոռի մոտ՝ Ամենայն Հայոց Կաթողիկոս Գարեգին Բ-ի կեցավայրը փաստացի գրավելու նպատակով, արժեզրկում է Հայ Առաքելական Եկեղեցին և ռազմավարական սխալ կարող է լինել: Այդ մասին Ռուսաստանի ՏԱՍՍ ինֆորմացիոն գործակալությանը տված հարցազրույցում հայտարարել է Ռուսաստանի հայերի միության նախագահ Արա Աբրահամյանը:
«Դա կլինի Փաշին յանի ռազմավարական սխալը: Նա ասում է, թե հավատացյալ է: Սակայն, եթե իրապես այդպիսին է, ապա երբեք իրեն և ուրիշներին թույլ չէր տա արժեզրկել եկեղեցին: Եկեղեցու հոգևորականները ձեռնադրվել են Կաթողիկոսի կողմից, նրանք մկրտել են հայերին՝ ամբողջ աշխարհում՝ միլիոնավոր մարդկանց: Իսկ նրանց մասին ասում են, թե նրանք օրենքից դուրս են»,- ասել է Աբրահամյանը՝ մեկնաբանելով Փաշինյանի վերջերս արած կոչը՝ պատրաստվել «հոգևոր հավաքի», Էջմիածնի հրապարակում:
Ռուսաստանի հայերի միության նախագահը նշել է, որ հավատացյալ և իր ժողովրդին սիրող մարդը «երբեք իրեն թույլ չէր տա այդպես լուծել հարցերը»: Աբրահամյանի կարծիքով Փաշինյանն այդ կերպ մանիպուլացնում է հասարակությանը՝ փորձելով բախման տանել տարբեր կրոնական հայացքներ ունեցող մարդկանց, ինչը աղետալի կլինի: «Եկեղեցին անկախ ինստիտուտ է»,- ընդգծել է Աբրահամյանը:
Նա նաև նշել է, որ՝ մատնանշելով միայն ՀԱԵ խնդիրները, որոնք կարող են ծագել ամեն տեղ, Փաշինյանը չի խոսում այն մասին, թե որքան մեծ գործ է արել Գարեգին Բ-ն եկեղեցու համար: «Վերջին հարյուրամյակում ոչ ոք այդքան չի արել: Այստեղ հարցը անձերը չեն, այլ եկեղեցին, հավատքը: Ես եկեղեցու կողմնակիցն եմ, Ես հավատացյալ եմ, ինքս տասնյակ եկեղեցիներ եմ կառուցել ամբողջ աշխարհում՝ այդ թվում նաև ուղղափառ տաճարը՝ Երևանում»,-ավելացրել է Արա Աբրահամյանը:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը
Դոլարն էժանացել է, ռուբլին՝ թանկացել․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է