ՀԷՑ-ի զավթումն արդարացնելու հիմքեր են ստեղծում
«Քաղաքացիական պայմանագիր» կուսակցության տիրապետության տակ հայտնված «Հայաստանի էլեկտրական ցանցերը» երեկ հայտարարություն է տարածել, թե ընկերության էլեկտրատնտեսությունն այս պահին գտնվում է տեխնիկապես բավականին վատթար վիճակում և ֆիզիկական մաշվածության մեջ, իսկ որոշ դեպքերում անգամ հետագա շահագործման համար հիմնականում ոչ պիտանի վիճակում։ «Ընկերության էլեկտրատնտեսության շատ սարքավորումներ սպառել են իրենց օգտագործման ողջ ռեսուրսը և պիտանիության ժամկետները, իսպառ բացակայում են օպերատիվ կառավարման և տեղի ունեցող վթարների առկայության մասին տեղեկատվության ստացման համար անհրաժեշտ ավտոմատ տելեհաղորդման ժամանակակից միջոցները»,- նշել են հայտարարության մեջ և հավելել, թե «այս իրավիճակը հետևանք է տարիներ շարունակ վարած կառավարման սխալ քաղաքականության և/կամ ցանցի վերազինման ուղղված նախաձեռնությունների գրեթե իսպառ բացակայության, ինչի արդյունքում զգացվում են արդեն այսօր հաճախակի դարձած վթարային անջատումներով և դրանց վերացմանն ուղղված անհետաձգելի գործողությունների ժամանակատարությամբ և ընդգրկումով»։
Փաստացի, ՔՊ-ն, խլելով Սամվել Կարապետյանին պատկանող ՀԷՑ-ը, այժմ էլ փորձում է հանրության մոտ տպավորություն ստեղծել, թե ՀԷՑ-ում տարիներ շարունակ ներդրումներ չեն իրականացվել, եղել են չարաշահումներ, և արդյունքում այսօր տուժում է շարքային քաղաքացին։ Մի կողմից նման կարծիքի ձևավորումը գործող իշխանություններին հնարավորություն է տալիս արդարացնել «Հայաստանի էլեկտրական ցանցերը» զավթելու իրենց գործողությունը, մյուս կողմից էլ նոր կառավարիչը և նրա թիմը բախվելու են սակագները բարձրացնելու անհրաժեշտության հետ, ուստի և տպավորություն են ստեղծում, որպեսզի կարողանան շարքային սպառողների հաշվին բարձրացնել էլեկտրականության սակագները։
Իսկ մինչ այդ ՔՊ-ն նաև շարունակում է տեղերում հեռացնել Սամվել Կարապետյանի մարդկանց և նշանակել իր ներկայացուցիչներին՝ գրեթե ամբողջությամբ իր ձեռքը վերցնելով «Հայաստանի էլեկտրական ցանցերի» կառավարումը՝ բոլորովին հաշվի չառնելով Ստոկհոլմի արբիտրաժային ինստիտուտի՝ պարտադիր կատարման ենթակա որոշումը ՀԷՑ-ի վերաբերյալ։ Առաջիկայում ոչ միայն ՀԷՑ-ը, այլ նաև ընդդիմադիր շրջանակների, ռուսաստանյան հայ գործարարների հետ կապված մի շարք ընկերություններ և ձեռնարկություններ հայտնվելու են փաշինյանական իշխանության թիրախում։ Մի կողմից այդ կերպ փորձում է ռեսուրսներից զրկել իրենց ընդդիմախոսներին, մյուս կողմից էլ սեփականության վերաբաշխում իրականացնել և դրանք փոխանցել յուրայիններին կամ իրենց հետ սերտ կապված գործարարների։
Անի Բադալյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Հանրային ակտիվության հետևանքը. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Բեյջի թելերից ավելի ուշագրով գնումներ էլ են եղել
Հանդիպեցի մեր հայ երիտասարդների հետ ու վստահ ասում եմ՝ մեր ապագան վստահելի ձեռքերում է․ Նարեկ Կարապե...