Հայաստանի բռնցքամարտի հավաքականը 2 ոսկե, 4 արծաթե և 5 բրոնզե մեդալ է նվաճել Սերբիայում կայացած պատանիների Եվրոպայի առաջնությունում

Կրտսեր տարիքի պատանիների Հայաստանի հավաքականը 2 ոսկե, 4 արծաթե և 5 բրոնզե մեդալ նվաճեց Սերբիայում կայացած պատանիների Եվրոպայի առաջնությունում։ Այս մասին հայտնում են Հայաստանի Բռնցքամարտի Ֆեդերացիայից։

Արթուր Մելքումյանի գլխավորած հավաքականից պատվո հարթակի ամենավերին աստիճանին կանգնեցին 46 կգ քաշային Արտո Բաղրամյանը և 54 կգ քաշային Մենուա Ուլիխանյանը։ Բաղրամյանը եզրափակչում պարտության մատնեց ադրբեջանցի մրցակցի, իսկ Ուլիխանյանն ուժեղ էր տանտերերի` Սերբիայի ներկայացուցչից։

44 կգ քաշային Սամվել Գրիգորյանը, 48 կգ Դավիթ Դունիամալյանը, 63 կգ Գագիկ Հարությունյանը և 80 կգ Գրիշա Դիլանյանը դարձել են արծաթե մեդալակիր։

Պատվո հարթակի 3-րդ աստիճանին են կանգնել

40կգ Ալեն Նալբանդյանը,

50կգ Գագիկ Մանուկյանը,

60կգ Սամվել Սարդարյանը,

66կգ Սայաթ Թումանյանը և 70կգ Ալեքսանդր Առուստամյանը։

Մեր ընտրանին թիմային պայքարում 3-րդն էր։

Սերբիայում մեր բռնցքամարտիկների կողքին է նաև Հայաստանի բռնցքամարտի ֆեդերացիայի նախագահ Հովհաննես Հովսեփյանը։