Էջմիածնի նախկին քաղաքապետը սպառնում է բացահայտումներ անել, եթե իրեն պատժեն
Գլխավոր դատախազությունը հաստատում է, որ Էջմիածնի նախկին քաղաքապետի դրվագով քրեական վարույթ կա, որը հարուցվել է Հակակոռուպցիոն կոմիտեում փողերի լվացման և պաշտոնական լիազորությունները չարաշահելու հոդվածներով:
Իրավապահները չեն մանրամասնել, թե Դիանա Գասպարյանին ու ամուսնու մորը՝ Ռուզաննա Ասատրյանին արդյո՞ք այս հոդվածներով է մեղադրանք առաջադրվել: Հավելում են, որ նախաքննությունը շարունակվում է, և դրա շահերից ելնելով` այլ տեղեկություններ չեն կարող հաղորդել: Հարս ու սկեսուր մեղադրյալի կարգավիճակ ունեն:
Իրավապահները միևնույն ժամանակ զերծ են մնում գործի մանրամասները հրապարակելուց, եթե այլ ձերբակալվածների կամ մեղադրյալների դեպքում գործող իշխանությունը չի խորշում խախտել անմեղության կանխավարկածը, ու բոլոր փաստերը գրեթե բացահայտ հայտնում է հասարակությանը, ապա Էջմիածնի նախկին քաղաքապետի պարագայում, կարծես, ավելի հակված են տեղեկությունը թաքցնել։ Պատճառը, ըստ ամենայնի, այն է, որ Դիանա Գասպարյանի ապօրինությունները վերաբերել են ոչ միայն իրեն, այլ նաև այլ քպականների և կարող են բավականին լուրջ ռեզոնանս առաջացնել։
Մյուս կողմից էլ Գասպարյանը 7 տարի շարունակ եղել է իշխող ուժի առանցքային պաշտոնյաներից մեկը, և ՔՊ-ում էլ հակված չեն նրան վերջնականապես պատժելու։ Իհարկե, մի կողմից «Քաղաքացիական պայմանագիրը» հայտարարում է, թե պատժելու են բոլոր կոռուպցիոներներին, բայց և հասկանում են, որ այն չարաշահումներում, որոնցում մեղադրում են Էջմիածնի նախկին քաղաքապետին, հանգիստ կարելի է մեղադրել նաև իրենց։
ՔՊ մեր աղբյուրների փոխանցմամբ, նույնիսկ փորձել են Փաշինյանի մոտ բարեխոսել Դիանա Գասպարյանի և նրա սկեսրոջ նկատմամբ քրեական վարույթը կարճելու հարցով, բայց Փաշինյանն առայժմ համաձայնություն չի տվել։ Ինքը՝ Գասպարյանն էլ, ըստ ամենայնի, մտադիր չէ լռել և պատրաստվում է քրեական գործը խորանալու կամ իրեն կալանավորելու հարց առաջանալու դեպքում բացահայտել բազմաթիվ այլ ապօրինություններ, որոնք իրականացվել են իր իշխանության վերին օղակների թողտվությամբ կամ էլ հանձնարարություններով։
Սոնա Ալիխանյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ