Երուսաղեմի մոտակայքում hարձակվել են ՌԴ դեսպանատան մեքենայի վրա. ՌԴ ԱԳՆ-ն պնդում է՝ միջադեպը տեղի է ունեցել իսրայելցի զինվորականների թողտվությամբ
Հուլիսի 30-ին Երուսաղեմի մոտակայքում գտնվող Գիվատ Ասաֆ ապօրինի իսրայելական բնակավայրի տարածքում մի խումբ վերաբնակիչների կողմից հարձակման է ենթարկվել Պաղեստինի ազգային ինքնավարությունում Ռուսաստանի առաքելության դիվանագիտական համարանիշներով ծառայողական մեքենան, որում գտնվել են Իսրայելի արտաքին գործերի նախարարությունում հավատարմագրված Ռուսաստանի դիվանագիտական առաքելության աշխատակիցներ. այս մասին հայտնել է ՌԴ ԱԳՆ պաշտոնբական ներկայացուցիչ Մարիա Զախարովան՝ մանրամասնելով, որ Թել Ավիվում Ռուսաստանի դեսպանատունը համապատասխան դիմում է ներկայացրել Իսրայելի իշխանություններին՝ հուսալով, որ իսրայելական կողմը համապատասխան եզրակացություններ կանի։
«Մեքենային հասցվել է մեխանիկական վնաս։ Հարձակումն ուղեկցվել է ՌԴ դիվանագետների հասցեին բանավոր սպառնալիքներով։ Հատկապես շփոթեցնող և անընդունելի է այն փաստը, որ միջադեպը տեղի է ունեցել դեպքի վայրում գտնվող իսրայելցի զինվորականների թողտվությամբ, որոնք նույնիսկ չեն փորձել կանխել հարձակվողների ագրեսիվ գործողությունները։
Մենք այս միջադեպը համարում ենք 1961 թվականի Դիվանագիտական հարաբերությունների մասին Վիեննայի կոնվենցիայի կոպիտ խախտում, քանի որ կոնվենցիան, ի թիվս այլնի, պահանջում է ընդունող պետությունից ապահովել օտարերկրյա առաքելությունների սեփականության անձեռնմխելիության սկզբունքի հարգումը և պատշաճ հարգանքով վերաբերվել այնտեղ հավատարմագրված օտարերկրյա դիվանագետներին՝ ձեռնարկելով բոլոր անհրաժեշտ միջոցները՝ կանխելու նրանց անձի, ազատության և արժանապատվության նկատմամբ ցանկացած ոտնձգություն։
Համապատասխան դիմումը Իսրայելի իշխանություններին ներկայացրել է Թել Ավիվում Ռուսաստանի դեսպանատունը։ Հուսով ենք, որ իսրայելական կողմը համապատասխան եզրակացություններ կանի»,- ասված է Զախարովայի հայտարարությունում։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը