Վաշինգտոնում կնքվելիք Փաշինյան-Ալիև «մտադրությունների հուշագիրը» դառնալու է վերջին հնգամյակի ամենաաղետաբեր փաստաթուղթը․ Դավիթ Սարգսյան

-Այն հայ-ադրբեջանական առաջին ստորագրվելիք փաստաթուղթն է, որը վերաբերելու է արդեն Հայաստանի ինքնիշխան տարածքին (դրա շուրջ թշնամական նկրտումներին).

-Հուշագիրը որևէ պարտավորություն չի ենթադրում, և պարզ է, որ թշնամին առաջին իսկ հնարավորության դեպքում այն խախտելու է` մի բեմադրված սադրանք հրահրելով, այդպիսով հրաժարվելով իր «ստանձնած» «խաղաղասեր» հանձնառությունից:

-Հուշագիրն ըստ ամենայնի ուղեկցվելու է Սյունիքով միջանցք բացելու գրավոր (կամ բանավոր) պարտավորության ստանձնմամբ, որը հայաստանյան ներքին լսարանին ներկայացվելու է որպես «խաղաղության խաչմերուկ», «Սյունիքի դարպասների բացում», և այլն: Մասնավոր պահնորդական ընկերությանը դրա արտապատվիրակումը մոտ ապագայում փոխարինվելու է այդ ճանապարհի երկայնքով Թուրքիայի զինական ներկայությամբ:

-Ամենահոռին այն է, որ «խաղաղություն» կլիշեն և ստորագրված հուշագիրը դառնալու է Փաշինյանի նախընտրական պլատֆորմը, և մեկ տարի շարունակ նա այն թափահարելու է: Պատերազմ ու պարտություն բերած պատուհասն, այդպիսով, իրեն դիրքավորելու է որպես «խաղաղասեր», իսկ մյուս բոլոր ուժերին` «ռևանշիստ»: