Փաշինյանը Հայաստանը հանձնեց ԱՄՆ-ի ողորմածությանը
Վաշինգտոնում կեսգիշերին մոտ կայացել է պատմական խայտառակության ստորագրումը։ Դոնալդ Թրամփը նախ ընդունել է Նիկոլ Փաշինյանին, ապա և Ադրբեջանի նախագահ Իլհամ Ալիևին, որից հետո երեքով նախաստորագրել են խաղաղության պայմանագիրը, որով վատթարագույն բոլոր կանխատեսումները, որ արվում էին վերջին օրերին միջազգային մամուլի կողմից, իրականություն են դարձել։ «Նախագահ Իլհամ Ալիևը հաղթել է պատերազմը, այժմ էլ խաղաղությունն է նվաճում»,- գրել է Ադրբեջանի նախագահի արտաքին քաղաքականության հարցերով խորհրդական Հիքմեթ Հաջիևը և դժվար է չհամաձայնվել նրա այս հայտարարության հետ։
Իսկ Փաշինյանին, դեպի սպանդանոց քշվող մատաղացուի պես, Սպիտակ տուն ուղեկցելով՝ Թրամփը պարզապես ծաղրել է Հայաստանի Հանրապետությանը։ Ըստ էության, կարելի է արդեն իսկ մի քանի արձանագրումներ անել, Միացյալ Նահանգները ոչինչ չի կորցնում, ընդհակառակը, Նիկոլ Փաշինյանի անողնաշարության պատճառով հայտնվում է հարավկովկասյան տարածաշրջանում՝ դրանից բխող բոլոր հետևանքներով։ Ավելին, Վաշինգտոնը նույնիսկ անվտանգության երաշխիքներ չի տալիս, խաղաղության պայմանագիրն էլ ոչ թե ստորագրվել, այլ նախաստորագրվել է, փաստացի, արձանագրելով, որ Ադրբեջանը որևէ կերպ չի հրաժարվում իր առաջ քաշած նախապայմաններից։
Զանգեզուրի միջանցքի հատվածը 99 տարով վարձակալությամբ է հանձնվելու ամերիկյան կողմին։ Թեպետ փաշինյանական իշխանությունը դրա անունը դնում է «Հայ-ամերիկյան համատեղ կոնսորցիում», ինքնիշխանության մասին ճամարտակող փաշինյանական վարչախումբն ամենահնարավոր ամենացածր մակարդակի իջեցրեց Հայաստանի ինքնիշխանությունը և այժմ գոհ է իր արածից։ Չէ որ Թրամփի վարչակազմը հասկանում է, որ ցանկացած այլ ազգային իշխանության գալուստով խայտառակ նման պայմանագիրը կարող է չեղարկվել, ուստի և Միացյալ Նահանգներն ամեն ինչ անելու է՝ Նիկոլ Փաշինյանին իշխանության ղեկին պահելու համար։
Անահիտ Մկրտչյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Դիլիջանի «արու» համայնքապետը որոշում է փոխել, որ պարգևավճար տա. «Ժողովուրդ»