Ցանկացած վերջնական համաձայնագիր պետք է ներառի կիրառման ամուր մեխանիզմներ և անվտանգության երաշխիքներ Հայաստանի համար․ Փրենկ Փալոն
ԱՄՆ կոնգրեսական Փրենկ Փալոնը ողջունել է Միացյալ Նահանգների ավելի անմիջական ներգրավվածությունը Ադրբեջանին և Հայաստանին մերձեցնելու ջանքերում։
«Արմենպրես»-ի հաղորդմամբ՝ Փրենկ Փալոնը գրառում է կատարել սոցցանցի X հարթակում՝ անդրադառնալով Վաշինգտոնում կայացած Փաշինյան-Թրամփ-Ալիև հանդիպմանը։
«Ես ոգևորված եմ՝ տեսնելով Միացյալ Նահանգների ավելի անմիջական ներգրավվածությունը Ադրբեջանին և Հայաստանին մերձեցնելու ջանքերում։ Թեև Հայաստանի հարավային տարածքով տրանսպորտային միջանցքի գոյությունը խնդիրներ է առաջացնում, ես հույս ունեմ, որ ԱՄՆ-ի անմիջական ներգրավվածությունը կհանգեցնի արդար, երկարատև խաղաղության համաձայնագրի կնքմանը և Ադրբեջանի ու Թուրքիայի կողմից Հայաստանի դեմ տնտեսական շրջափակման վերացմանը։ Ցանկացած վերջնական համաձայնագիր պետք է ներառի նաև կիրառման ամուր մեխանիզմներ և անվտանգության երաշխիքներ Հայաստանի համար, որպեսզի Ադրբեջանը չխախտի համաձայնագրի պայմանները»,- գրել է կոնգրեսականը։
Այդուհանդերձ Փալոնը նշել է, որ ԱՄՆ-ի կողմից «Ազատության աջակցության մասին» օրենքի 907-րդ հոդվածի չեղարկումը սխալ է, քանի որ Ադրբեջանին ռազմական օգնություն տրամադրելու որևէ պատճառ չկա։
«Բացի այդ, պետք է արվի ավելին՝ Ադրբեջանի նախագահ Ալիևին դրդելու ազատ արձակել Բաքվում իր կողմից շարունակաբար պահվող ռազմագերիներին և քաղբանտարկյալներին, ինչպես նաև դուրս բերել իր զորքերը հայկական հողերից։ Միացյալ Նահանգներն ունի բարոյական հանձնառություն՝ ապահովելու տեղահանված հայերի անվտանգ, արժանապատիվ և կայուն վերադարձը իրենց բնիկ հայրենիք՝ Լեռնային Ղարաբաղ»,- եզրափակել է Ֆրենկ Փալոնը։
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Հրապարակ»․ Անդրանիկ Քոչարյանը չի ուզում Ալեն Սիմոնյանի վիճակում հայտնվել
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
«Ժողովուրդ». Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել
«Գազպրոմ Արմենիա»-ն հայտարարություն է տարածել
Ուկրաինան շուտով ԱՄՆ-ից կստանա hրթիռներ Patriot համակարգերի համար. Զելենսկի
«Իրավունք». Նարեկ Կարապետյանի հայտարարությունից հետո թիմում մեծ մասը հրաժարվում է մանդատներից
«Իրավունք». Տղե՛րք, էս ո՞ւր. մի շարք թեկնածուներ շտապել են լքել հարազատ քաղաքական ուժի շարքերը
«Հրապարակ»․ Մհեր Ախտոյանը եւ հայրն արտերկրում անհետացել են