Փաշինյանն՝ ընդդեմ ազատ մամուլի
Հայաստանի գործող իշխանությունները՝ Նիկոլ Փաշինյանի գլխավորությամբ, այժմ էլ նոր դավադրություն են մտածել՝ ուղղված լրատվամիջոցների և ընդդիմադիր քաղաքական կուսակցությունների դեմ։ Բանն այն է, որ Նիկոլ Փաշինյանը հրաշալի հասկանում է, որ խորհրդարանական արտահերթ ընտրություններում իր դեմ հիմնական կռվող ուժերից մեկը լինելու է ազատ մամուլը։ Մեծամասամբ լրագրողներով ձևավորված փաշինյանական թիմը 7 տարվա ընթացքում անընդհատ փորձել է ճնշել ազատ խոսքը, լրատվամիջոցներին, բայց վերջիններիս հաջողվել է գոյություն պահպանել, նաև զարգանալ՝ շնորհիվ տեղեկատվական տեխնոլոգիաների ընձեռած հնարավորությունների, ինչպես նաև որոշակի անկախ ֆինանսավորման, որի դեմ Փաշինյանն ու իր թիմը առանձնապես չեն կարողացել պայքարել։
Այժմ, հիշեցնենք, Փաշինյանը «Հանրօգուտ մեդիամիջավայր» անունով հիմնադրամ է ստեղծել, որով փորձելու է կասեցնել տարբեր աղբյուրներից, այդ թվում նաև գովազդի տրամադրումը անկախ լրատվամիջոցներին։ Մասնավորապես, ՔՊ մեր աղբյուրների փոխանցմամբ, այդ հիմնադրամում հիմնականում զբաղված են լրատվամիջոցների ֆինանսավորման աղբյուրները ճշտելով և տարբեր գովազդատուների սպառնալով դադարեցնել ֆինանսավորումը, հակառակ պարագայում խնդիրներ կունենան հարկայինի հետ։ Շատերն, իհարկե, հրաժարվել են կատարել գործող իշխանությունների պահանջները, որոշ մասն էլ հասկանում է, որ եթե իրենք գովազդ չտան անկախ լրատվամիջոցներին, առավելապես իրենք են տուժելու, այլ ոչ թե ԶԼՄ-ները կամ հենց փաշինյանական թիմը, ուստի և օբյեկտիվորեն մերժել են գործող իշխանություններին։
Չի բացառվում, որ առաջիկայում ազատ մամուլի դեմ բռնաճնշումներն ավելի լայն թափ ստանան։ Փաշինյանն ամեն գնով ցանկանում է փակել հիմնական առաջատար լրատվամիջոցները, որպեսզի այդ կերպ խափանի օբյեկտիվ տեղեկատվության մատուցումը հանրությանը։
Լիլիթ Խաչատրյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Հրապարակ»․ Անդրանիկ Քոչարյանը չի ուզում Ալեն Սիմոնյանի վիճակում հայտնվել
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
«Ժողովուրդ». Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել
«Գազպրոմ Արմենիա»-ն հայտարարություն է տարածել
Ուկրաինան շուտով ԱՄՆ-ից կստանա hրթիռներ Patriot համակարգերի համար. Զելենսկի
«Իրավունք». Նարեկ Կարապետյանի հայտարարությունից հետո թիմում մեծ մասը հրաժարվում է մանդատներից
«Իրավունք». Տղե՛րք, էս ո՞ւր. մի շարք թեկնածուներ շտապել են լքել հարազատ քաղաքական ուժի շարքերը
«Հրապարակ»․ Մհեր Ախտոյանը եւ հայրն արտերկրում անհետացել են