«Եվրադաշինքը»՝ փլուզման եզրին
Իշխանությանը մերձ արևմտամետ ուժերը մեկ տարուց ավելի հայ հասարակության ուղեղը բռնաբարում էին դեպի Եվրամիություն գնալու իրենց նախաձեռնությամբ։ Ըստ փորձագետների, ակնհայտ էր, որ խնդիրն ամենևին էլ Ազգային ժողովում ընդունված օրինագիծը կամ դրա հետագա զարգացումները չեն, առավել ևս, Փաշինյանը որևէ կերպ համարձակություն չի ունենա փախչել ԵԱՏՄ-ից և միանգամից ընտրել Եվրամիության ուղին, բայց և «Եվրաքվեի» ներկայացուցիչները փորձում էին իրենց նախաձեռնությունն օգտագործել նախընտրական նպատակներով՝ 2026 թվականի ընտրություններին ընդառաջ։
Վաշինգտոնում կայացած հանդիպումից և փաստաթղթերի նախաստորագրումից հետո «Եվրադաշինքում», զարմանալիորեն, ցնցումների մեջ են հայտնվել և, ըստ էության, դաշինքը փլուզման եզրին է։ Դաշինքի կուսակցություններից մեկը՝ Եվրոպական կուսակցությունը, չի բացառվում, որ առաջիկայում լքի այն։ Բանն այն է, որ Տիգրան Խզմալյանն, ի տարբերություն «Հանուն հանրապետության» և «Հանրապետություն» կուսակցությունների, խիստ ակտիվորեն քննադատում է Նիկոլ Փաշինյանի այցը Վաշինգտոն ու Ադրբեջանի հետ խաղաղության համաձայնագրի նախաստորագրումը։ Ընդ որում, Խզմալյանն այնպիսի արմատական դիրքերից է սկսել քննադատել Փաշինյանին, որ տարակուսանք է առաջացրել։
Դաշինքի մյուս երկու ուժերն էլ առայժմ չգիտեն, թե ինչպես են վարվելու իրենց գործընկերոջ հետ։ Թեև հասկանում են, որ միայն 2-ով ընտրություններին մասնակցելը անլուրջ կդիտվի, և բացի այդ, չեն կարողանա յուրացնել «Եվրադաշինք» անվանումը։ Հակասություններ կան նաև «Հանուն հանրապետության» և «Հանրապետություն» կուսակցությունների միջև։ Նրանք չեն կարողանում իրար մեջ կիսել առաջնորդության հարցը, և յուրաքանչյուրը պահանջում է, որ ցուցակի առաջին համարը լինի իրենց կուսակցության ղեկավարը։ Թե ինչ ճակատագիր կունենա «Եվրադաշինքը», պարզ կլինի ապագայում, ըստ ամենայնի, այն կփլուզվի, իսկ դրա մասնակից ուժերն առանձին կմասնակցեն ընտրություններին։
Լիլիա Սահակյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը