«Հռչակագիրը քաղաքական փաստաթուղթ է՝ ինքնիշխանության սահմանափակման վտանգով». Սուրեն Սուրենյանց
«Հռչակագրերը պարտադիր իմպերատիվ ուժ չունեն․ դրանք առավելապես արտացոլում են կողմերի քաղաքական մտադրությունները և համարժեք չեն պայմանագրերին, որոնք ենթակա են ներպետական ընթացակարգերի հաստատմանը», – «Փաստի» հետ զրույցում նշեց քաղաքագետ, Դեմոկրատական այլընտրանք կուսակցության ղեկավար Սուրեն Սուրենյանցը։
Նրա խոսքով՝ հռչակագիրը գործելու է այնքան ժամանակ, քանի դեռ կողմերը պատրաստ են պահպանել բարի կամքը։ Սակայն այն փաստը, որ փաստաթուղթը ստորագրվել է համաշխարհային գերտերության ղեկավարի ներկայությամբ, նրան տալիս է լուրջ քաղաքական կշիռ, որը նաև որոշակիորեն կաշկանդում է Հայաստանին ու Ադրբեջանին։ «Միջազգային իրավունքը քաղաքական տրամաբանությունից դուրս չի գործում։ Ժամանակը ցույց կտա՝ որքանով է այս հռչակագիրը ունակ ունենալ իրական կիրառելիություն», – ընդգծեց քաղաքագետը։
Խոսելով «Զանգեզուրի միջանցքով» անցնող «Թրամփի երթուղու» մասին՝ Սուրենյանցը նշեց, որ տնտեսական հաշվարկները դեռևս բացակայում են․
«Չկա որևէ տնտեսագիտական գնահատում այդ ճանապարհի հնարավոր շահույթների մասին։ Իրականում այս նախագիծը ոչ այնքան տնտեսական, որքան աշխարհաքաղաքական բնույթ ունի, պարզապես ներառելով նաև տնտեսական բաղադրիչ»։
Քաղաքագետը մատնանշեց նաև հնարավոր վտանգները Հայաստանի արտաքին հարաբերությունների համար․ «Այս հռչակագիրը անպայման ազդեցություն կունենա հայ-իրանական և հայ-ռուսական հարաբերությունների որակի վրա։ Չի բացառվում, որ երկու երկրները դիմեն հակազդման քայլերի»։
Առանձին մտահոգություն է առաջացնում այն հանգամանքը, որ Զանգեզուրի միջանցքի հայկական հատվածը 99 տարով նախատեսվում է հանձնել ամերիկյան ընկերության շահագործման․
«Եթե ճանապարհի օգտագործման իրավունքը տալիս ես ԱՄՆ-ին կամ նրա հետ փոխկապակցված կառույցի, որը որոշելու է մուտքի, տարանցման և գնային քաղաքականության պայմանները, ապա դա ուղղակիորեն Հայաստանի Հանրապետության իրավազորության և ինքնիշխանության սահմանափակում է», – եզրափակեց Սուրեն Սուրենյանցը։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը