ԱՄՆ, թե՞ ԵԱՏՄ. Ռուսաստանը սրում է հարցը
Ռուսաստանի փոխվարչապետ Ալեքսեյ Օվերչուկը հայտարարել է, թե առաջիկայում ժամանելու է Հայաստան, ապա մի քանի շաբաթվա ընթացքում Նիկոլ Փաշինյանն է մեկնելու Մոսկվա։ Օվերչուկը բացահայտ հայտարարել է, թե իր այցը և քննարկելիք հարցերը կապված են Վաշինգտոնում՝ Թրամփի, Փաշինյանի և Ալիևի մասնակցությամբ ստորագրված մի քանի համաձայնագրերի հետ։ Ըստ ռուսական կողմի՝ այդ համաձայնագրերը ակնհայտորեն հակասում են ԵԱՏՄ կանոնադրությանը և չի բացառվում, որ ընդհուպ հայկական կողմին դուրս հրավիրեն ԵԱՏՄ-ից՝ միջազգային պայմանագրերը չկատարելու պատճառով։
Հիշեցնենք՝ երեկ կայացել էր Եվրասիական միջկառավարական խորհրդի 43-րդ նիստը, որին մասնակցել են միության անդամ երկրների վարչապետները, բացառությամբ Հայաստանի կառավարության ղեկավար Նիկոլ Փաշինյանի, ով, ըստ պաշտոնական տեղեկությունների, արձակուրդ էր գնացել, իսկ նրա փոխարեն Չոլպոն-Աթա էին գործուղել փոխվարչապետ Մհեր Գրիգորյանին։ Ռուսական լրատվամիջոցները, մասնավորապես «Նեզավիսիմայա գազետան» նշում է, որ Զանգեզուրի միջանցքը, որի շուրջ պայմանավորվել են Հայաստանը, Ադրբեջանն ու ԱՄՆ-ն, և որով ճանապարհի վերահսկողությունը 99 տարով կարող է հանձնվել Միացյալ Նահանգներին, ակնհայտորեն հակասում է ԵԱՏՄ-ի օրենսդրությանը։
Ապրանքների և ծառայությունների ազատ տեղաշարժը ԵԱՏՄ-ի անկյունաքարն է։ Զանգեզուրի միջանցքի համատեքստում դա նշանակում է, որ Նախիջևանից Ադրբեջան մուտքի ու Ադրբեջան ելքի մոտ պետք է տեղադրվեն մաքսակետեր, որոնցում կգործեն ԵԱՏՄ շրջանակում սահմանված միասնական մաքսատուրքերը։ Հայաստանում տեղակայված ռուսական ռազմաբազան չի ապահովում մաքսակետեր։ Սակայն, եթե Թրամփը իր վերահսկողությունը հաստատի, դա կդառնա ԵԱՏՄ կանոնադրության ուղղակի խախտում։ Եվ այդ դեպքում, ըստ պարբերականի, Հայաստանը, հավանաբար, ստիպված կլինի ընտրություն կատարել ԱՄՆ-ի հետ գործընկերության և ԵԱՏՄ-ին անդամակցելու միջև։
Վարդուհի Աբովյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը