Իրանի նախագահը գալիս է պատասխանների հետևից
Այսօր Երևան է ժամանում Իրանի նախագահ Մասուդ Փեզեշքիանը։ Նրա գրասենյակի փոխանցմամբ՝ այցի նպատակը երկկողմ հարաբերությունների զարգացումն է, հատկապես՝ առևտրի ոլորտում։ Նախատեսվում է մի շարք փաստաթղթերի ստորագրում։
Մինչ այցը Փեզեշքիանը խորհրդակցություն է անցկացրել Իրանի կառավարության բարձրաստիճան ներկայացուցիչների հետ։ Քննարկման թեմայի առանցքում, իհարկե, եղել է Հայաստանի և Ադրբեջանի միջև տրանսպորտային միջանցքի մասին վերջին համաձայնագիրը՝ շեշտադրելով Իրանի ազգային շահերի պաշտպանությունը։
Փեզեշքիանը Երևան է ժամանում Վաշինգտոնում եռակողմ հռչակագրի ստորագրումից տասը օր անց։ Ընդ որում, եթե Իրանի աշխարհիկ իշխանությունները որոշակի զուսպ են արձագանքում այդ համաձայնագրին, ապա երկրում գլխավոր դերակատարություն ունեցող հոգևոր իշխանության ներկայացուցիչները հանդես են գալիս բավական կոշտ դիրքորոշումներով՝ գրեթե սպառնալիքի լեզվով։
Նախքան Փեզեշքիանի այցը Իրանի ԱԳՆ պաշտոնական ներկայացուցիչը հայտարարել է, որ Իրանը ուշադիր հետևում է զարգացումներին։ «Հարավային Կովկասի տարածաշրջանը մեր և տարածաշրջանի երկրների, մասնավորապես՝ Ռուսաստանի համար ունի զգալի քաղաքական, տնտեսական և աշխարհաքաղաքական նշանակություն։ Մենք բաց աչքերով հետևում ենք զարգացումներին», -ասված է Բաղայիի հայտարարության մեջ։
Ըստ ամենայնի, հայկական կողմին դեռևս չի հաջողվել ամբողջությամբ փարատել Թեհրանի մտահոգությունները։ Թեպետ Փաշինյանը օրերս հարցազրույց էր տվել ամերիկյան լրատվամիջոցին, իսկ փոխարտգործնախարար Վահան Կոստանյանը գործուղվել էր Թեհրան, որտեղ հանդիպումներ էր ունեցել Իրանի արտգործնախարարի, այլ պաշտոնյաների և հոգևոր առաջնորդի խորհրդականների հետ։
Այս ամենի ֆոնին Փեզեշքիանը Հայաստան է գալիս՝ անձամբ Փաշինյանից պատասխաններ ստանալու և, ըստ այդմ, Իրանի դիրքորոշումները հստակեցնելու համար։
Մերի Ներսիսյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Հանրային ակտիվության հետևանքը. «Փաստ»
Բեյջի թելերից ավելի ուշագրով գնումներ էլ են եղել
Խոշոր վթար՝ Սևան-Երևան ճանապարհին․ ամուսիններն ու նրանց երեխաները տեղափոխվել են հիվանդանոց