Հոկտեմբերի 7-ին սպանված 1,195 մարդուց յուրաքանչյուրի համար պետք է զոհվի 50 պաղեստինցի, կարևոր չէ, թե նրանք երեխաներ են, թե ոչ. Իսրայելի հետախուզության նախկին պետ
2023թ. հոկտեմբերի 7-ին ՀԱՄԱՍ-ի հարձակման հետևանքով սպանված 1,195 մարդկանցից յուրաքանչյուրի համար պետք է զոհվի 50 պաղեստինցի, և կարևոր չէ, թե նրանք երեխաներ են, թե ոչ. այս մասին, Իսրայելի «12-րդ ալիք»-ի հեռարձակած ձայնագրություններում, ասել է Իսրայելի պաշտպանության ուժերի գեներալ-մայոր, բանակի գլխավոր շտաբի հետախուզության նախկին պետ Աարոն Հալիվան:
Հալիվան ընդգծել է, որ Գազայում զոհերի թիվը, որը նա գնահատել է ավելի քան 50,000, «անհրաժեշտ» էր որպես պաղեստինցիների «ապագա սերունդներին ուղղված ուղերձ»։
«Նրանց ժամանակ առ ժամանակ Նակբա է պետք՝ գինը զգալու համար», - հավելել է նա՝ նկատի ունենալով 1948 թվականին Իսրայելի ստեղծումից հետո իրենց տներից և հողերից ավելի քան 700,000 պաղեստինցիների զանգվածային վտարումը: Նակբա արաբերենից թարգմանաբար նշանակում է «աղետ»:
Ինչպես նկատում է The Guardian-ը, Իսրայելի ղեկավարության և լրատվամիջոցների մեծ մասը ՀԱՄԱՍ-ի հոկտեմբերի 7-ի հարձակումներից ի վեր պաղեստինցիների նկատմամբ օգտագործել է ցեղասպանական հռետորաբանություն, այդ թվում՝ նրանց անվանելով «մարդ-կենդանիներ», ասելով, որ Գազայում «անմեղներ չկան» և կոչ անելով Գազայի լիակատար ոչնչացմանը և էթնիկ զտմանը։ Այնուամենայնիվ, Հալիվայի ասածը, միջազգային իրավունքի համաձայն, անօրինական է։
«12-րդ ալիք»-ը հայտնել է, որ հրապարակված զրույցները ձայնագրվել են «վերջին ամիսներին»:
«Այն փաստը, որ Գազայում արդեն 50,000 զոհ կա, անհրաժեշտ է և պարտադիր ապագա սերունդների համար: Հոկտեմբերի 7-ին տեղի ունեցած ամեն ինչի համար, հոկտեմբերի 7-ին սպանված յուրաքանչյուր մարդու համար պետք է զոհվի 50 պաղեստինցի: Կարևոր չէ, որ նրանք երեխաներ են», - ձայնագրություններում ասել է նախկին պաշտոնյան:
«12-րդ ալիք»-ը չի պարզաբանել, թե ինչպես է ձեռք բերել ձայնագրությունները կամ ում հետ խոսելիս է այդ մտքերն արտահայտել Հալիվան: Իսրայելի «Հաարեց» թերթը ձայնագրությունները նկարագրել է որպես ձևաչափ, որը թույլ է տվել թոշակի անցած սպային «հարցազրույց տալ ... առանց իրականում հարցազրույցի»:
Ընդ որում, Հալիվայի մեկնաբանությունները պաղեստինցի խաղաղ բնակիչների զանգվածային սպանությունների մասին չեն լուսաբանվել իսրայելական այլ հիմնական լրատվամիջոցների վերնագրերում։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը