Կգնա՞ Փաշինյանը արտահերթ ընտրությունների
Հայաստանյան ընդդիմադիր դաշտում բավականին լուրջ անհանգստություն կա Փաշինյանի ուղերձից հետո։ Կարծում են, որ Փաշինյանը կարող է հայտարարել արտահերթ ընտրությունների թեմայի մասին։ Թեպետ խորհրդարանական հերթական ընտրությունները նշանակված են եկող տարվա հունիսին, Նիկոլ Փաշինյանը կարող է անակնկալի բերել թե՛ ընդդիմությանը, թե՛ իր կողմնակիցներին՝ գնալ արտահերթ ընտրությունների, որպեսզի համապատասխան լեգիտիմություն ստանա խաղաղության փաստաթուղթը վերջնական ստորագրելու համար։ Առավել ևս, որ Ադրբեջանն էլ չի ցանկանում պայմանագիրը ստորագրել միայն Փաշինյանի հետ, հայտարարելով, որ ցանկանում են պայմանագիր ստորագրել հայ ժողովրդի, այլ ոչ թե Նիկոլ Փաշինյանի հետ։
Բնականաբար, հայաստանյան ընդդիմությունը երբեք պատրաստ չէ ընտրությունների, լինի դա արտահերթ, թե հերթական։ Մյուս կողմից՝ Փաշինյանը, արտահերթ ընտրություններ հռչակելով, խափանելու է գործարար, բարերար Սամվել Կարապետյանի պլանները։ Այդ դեպքում նա չի հասցնի նոր քաղաքական ուժ ձևավորել, և արդյունքում բավական արագ իշխանությանը կհաջողվի անակնկալի բերել բոլոր ընդդիմադիրներին։ Խնդիրն այն է, որ Փաշինյանը ինքն էլ վստահ չէ արտահերթ ընտրությունների մասով։ Մի կողմից հասկանում է, որ իր ձեռքին հայտնվել է ընդամենը քարոզչական մի փաստաթուղթ, որը զուգարանի թղթի արժեք ունի, որքան էլ փորձում են այն առավելագույնս մանիպուլացնել, մյուս կողմից էլ Փաշինյանի վարկանիշը գնալով ավելի ու ավելի է նվազում։
Նույնիսկ Վաշինգտոնում կնքված համաձայնագիրը որևէ կերպ չի ազդել նրա վարկանիշի վրա։ Սոցիոլոգիական հարցումները, որոնք իրականացվում են գործող իշխանությունների պատվերով, ցույց են տալիս, որ ընդհակառակը, ժողովուրդն ամենևին էլ լուրջ չի համարում խաղաղության այն օրակարգը, որը ներկայացնում է Նիկոլ Փաշինյանը, ուստի իր ծավալուն ուղերձում նա անընդհատ փորձում էր ժողովրդին համոզել, որ արդեն խաղաղությունը վրա է հասել, իսկ ընդդիմությունը դեմ է այդ խաղաղությանը։ Փաշինյանը նաև ձախողվել է այսպես կոչված հեղաշրջումների գործերով դատական վարույթներում, որքան էլ փորձում են մեղքերի սլաքներն ուղղել սրբազանների ուղղությամբ։
Այնուամենայնիվ, միայն Փաշինյանի չափազանց սակավ կողմնակիցներ են հավատում, որ Միքայել և Բագրատ արքեպիսկոպոսները կարող էին հեղաշրջման պլան գծել։
Ըստ էության, իշխանության համար չափազանց ռիսկային իրավիճակ է ստեղծվել՝ լինի հերթական, թե արտահերթ ընտրություններով։
Արտյոմ Ստեփանյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ