Իրանի կասկածները չեն թոթափվել
Ավարտվեց Իրանի նախագահ Մասուդ Փեզեշքիանի այցը Հայաստան, ու թեպետ պաշտոնական հանդիպմանը, մամուլի համար հայտարարությունների ընթացքում և պաշտոնական ձևակերպումներում իրանական կողմը հիշատակում էր հայ-իրանական դարավոր բարեկամությունը, ռազմավարական գործընկերության պայմանագիր կնքելու անհրաժեշտությունը և այլ գեղեցիկ բառեր ասում, իրանագիտական շքեղ դիվանագիտական ձևակերպումներից անդին փաստն այն է, որ Իրանի նախագահի այցը չփարատեց նրանց կասկածները վաշինգտոնյան համաձայնագրի կնքումից հետո։
Իրանից, հիշեցնենք, դժգոհության նոտաներ էին հնչում, և Փեզեշքիանն էլ Հայաստան էր ժամանել անձամբ Նիկոլ Փաշինյանից լսելու, թե ի՞նչ է իրականում տեղի ունեցել Վաշինգտոնում և ի՞նչ են պայմանավորվել։ «Մեր մտահոգություններն ընդհանուր սահմանների մոտ երրորդ կողմի ուժերի ներկայության վերաբերյալ պետք է լուծել»,- գտնվելով Երևանում՝ X-ում գրել էր Իրանի նախագահը։
Սակայն արդեն Երևանում Փաշինյանի հետ հանդիպմանը նա հայտարարել է, որ տարածաշրջանային հարցերը պետք է լուծվեն տարածաշրջանային ուժերի կողմից, և այդ խնդիրների ցանկացած փոխանցում երրորդ ուժերին միայն կբարդացնի իրավիճակը։ «Իրանը դեմ է, որ տարածաշրջանի հարցերը արտապատվիրակվեն տարածաշրջանից դուրս գտնվող երկրներին։ Գտնում ենք, որ տարածաշրջանում ղեկավարումը պետք է լինի կովկասյան, և խնդիրների արտապատվիրակումը կբարդացնի իրավիճակը»,- ասել է Փեզեշքըանը։
Փաստացի, Թեհրանի այս մեղմ ձևակերպումը վկայում է, որ Հայաստանի իշխանություններին չի հաջողվել թոթափել բոլոր կասկածները, և Իրանում դեռևս խնդիրներ ունեն հայ-ադրբեջանական հարաբերությունների կարգավորմանն ԱՄՆ-ի ներգրավման, ինչպես նաև այսպես կոչված՝ «Թրամփի միջանցքի» ստեղծման կապակցությամբ։ Եվ այժմ հետևելու են պրակտիկ գործողություններ, թե ինչպիսի՞, իրանական կողմը, բնականաբար, չի ասի։
Անի Մուրադյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը