Ուշացած նախաձեռնություն արցախցիների կողմից
Արցախի Ազգային ժողովի նախագահ Աշոտ Դանիելյանը Ազգային ժողովի բոլոր խմբակցությունների և տեղահանված արցախցիների անունից կոչ է արել ԵԱՀԿ բոլոր մասնակից պետություններին իրականացնել իրենց լիազորությունները, այդ թվում՝ անհրաժեշտության դեպքում կիրառել վետոյի իրավունքը, Մինսկի խմբի լուծարումը կանխելու համար։
«Լեռնային Ղարաբաղի 150,000 հայերի՝ տղամարդկանց, կանանց և երեխաների անունից, որոնք բռնի տեղահանվել են իրենց նախնիների հայրենիքից, խոր տագնապով և մտահոգությամբ դիմում ենք Ձեզ՝ Հայաստանի և Ադրբեջանի կողմից վերջերս ԵԱՀԿ Մինսկի խմբի մանդատը դադարեցնելու միակողմանի խնդրանքի կապակցությամբ։ Տասնամյակներ շարունակ Մինսկի խումբը եղել է Լեռնային Ղարաբաղի հակամարտության խաղաղ կարգավորման միջազգային մանդատ ունեցող միակ հարթակը։ Այս մեխանիզմը լուծարել առանց այն ժողովրդի ընտրված ներկայացուցիչների հետ խորհրդակցելու, որոնց համար այն ստեղծվել է, նշանակում է անտեսել մեր ձայնը և մերժել մեր դերը գործընթացում»,– նշված է նամակում։
Նամակում ընդգծվում է, որ մինչև չստեղծվեն ամուր երաշխիքներ՝ Լեռնային Ղարաբաղի տեղահանված հայ բնակչության անվտանգ և արժանապատիվ վերադարձը ապահովելու համար, ԵԱՀԿ Մինսկի խումբը լուծարել չի կարելի։
Ադրբեջանի իշխանությունները վաղուց պահանջում էին ՄԽ լուծարումը, իսկ հիմքերը դրվեցին Վաշինգտոնում նախաստորագրված համաձայնագրում, որից հետո երկու երկրների կառավարությունները դիմեցին ԵԱՀԿ-ին՝ առաջարկելով Մինսկի խումբը լուծարել։
Կարճ ասած՝ խմբի լուծարման շուրջ երկար քննարկումներ են եղել, և Արցախի ԱԺ-ի այս հայտարարությունը, թեպետ օբյեկտիվ է, ուշացած կարելի է համարել։ Իրականում այն միայն «սրտհովանք» է, որը հազիվ թե որևէ ազդեցություն ունենա։ Փոխարենը, Արցախի ԱԺ-ն և այլ կառույցները պետք է հասկանան, որ որքան լուռ են մնում և չեն պայքարում իրենց իրավունքների համար, այնքան Փաշինյանը շարունակելու է զիջել այդ իրավունքները, ապա էլ ծաղրելու է՝ «հեղափոխություն չարեցիք, ԼՂ էջը փակեցի»։
Արփի Գևորգյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ