Փաշինյանը Մակունցին նոր պաշտոնի է պատրաստում
ԱԺ պատգամավոր Արսեն Թորոսյանի՝ մանդատից հրաժարվելուց և աշխատանքի և սոցիալական հարցերի նախարարի պաշտոնում նշանակվելուց հետո իշխանությունում նոր վերադասավորումներ են սպասում։ Հիշեցնենք, որ գործող նախարար Նարեկ Մկրտչյանը տեղափոխվելու է Միացյալ Նահանգներ, որպես Հայաստանի դեսպան։ Նիկոլ Փաշինյանը երեկ կայացած ճեպազրույցում հայտարարեց, որ Լոռու մարզպետ էլ նշանակելու է պատգամավոր Արեն Մկրտչյանին։ Ըստ էության, «Քաղաքացիական պայմանագիրը» Լոռու մարզում պարզապես որևէ թեկնածու չունի, որին կկարողանա առաջարկել մարզպետի պաշտոնը և ստիպված է եղել Արեն Մկրտչյանին առաջարկել մարզպետի պաշտոնում։
«Քաղպայմանագրում» փորձում են գուշակել, թե ի՞նչ պաշտոնի կնշանակվի ներկայումս Միացյալ Նահանգներում Հայաստանի դեսպան Լիլիթ Մակունցը։ Վերջինս, նշենք, Փաշինյանի անգլերենի ուսուցիչն է եղել և չափազանց սերտ հարաբերություններ ունի գործող իշխանությունների հետ։ Նախորդ գումարման Ազգային ժողովում էլ գլխավորում էր «Քաղաքացիական պայմանագիր» կուսակցության խմբակցությունը։ ՔՊ մեր աղբյուրի փոխանցմամբ՝ Փաշինյանը ցանկանում է Մակունցին վերադարձնել Հայաստան և նշանակել իր խորհրդական՝ առնվազն առաջիկա մի քանի ամիսների համար։
Ըստ ամենայնի, Մակունցը կլինի ՔՊ ընտրական ցուցակի առաջին եռյակում, և չի բացառվում, որ Փաշինյանը վերջինիս նախապատրաստում է Ազգային ժողովի նոր նախագահի պաշտոնի համար։ Մեր աղբյուրը հայտնեց, որ Փաշինյանը ցանկանում է ազատվել կուսակցությունում ազդեցիկ դիրքեր զբաղեցրած տարբեր պաշտոնյաներից կամ էլ նրանց ավելի ցածր պաշտոնների նշանակել, իսկ բարձր պաշտոնների մի մասը ուզում է հանձնել կուսակցական կանանց։ Թեպետ Մակունցը ՔՊ վարչության անդամության թեկնածու չէ, բայց և դա չի խանգարի Փաշինյանին նրան նման բարձր պաշտոնի համար առաջարկել, հատկապես որ Վաշինգտոնում կնքված համաձայնագիրը փորձում են ներկայացնել որպես Մակունցի ջանքերի արգասիք։ Ըստ ամենայնի, իրադարձությունները հենց այդպես էլ կծավալվեն։
Մարի Ոսկանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը