Փաշինյանը փակում է Ղարաբաղյան շարժման էջը
Տարեցտարի Հայաստանի վարչապետի պաշտոնը զբաղեցնող Նիկոլ Փաշինյանի ուղերձները ավելի լկտի, ցինիկ և հակահայկական են դառնում։ Այս անգամ էլ Հայաստանի անկախության հռչակագրի ընդունման առթիվ տարածած ուղերձում Փաշինյանը հայտարարել է, թե չպետք է շարունակել Ղարաբաղյան շարժումը, քանզի նշանակում է Հայաստանի Հանրապետության անկախության վերացում։
«Այսօր ուզում եմ պատասխանել նաև մի հարցի, որը թերևս ամենակարևորն է վերջին 7 տարվա պատմությունը հասկանալու համար։ Ի վերջո, ինչու՞ մինչև 2020 թվականի սեպտեմբերը Հայաստանի Հանրապետությունը, մեր Կառավարությունը, ես՝ ինքս, չգնացինք զիջումների, ինչը 44-օրյա պատերազմից խուսափելու միակ տեսական հնարավորությունն էր։ Դրա առանցքային պատճառն այն էր, որ այդ զիջումների արդյունքում մեր ունեցած բոլոր սպառնալիքները և կախվածությունները մեծանալու էին, մեծանալու էին անհամաչափորեն՝ հանգեցնելով Հայաստանի անկախության և պետականության կորստի»,– հայտարարել է Փաշինյանը՝ նշելով, թե որդեգրել են Հայաստանի անկախությունը պահպանելու և այդ անկախությունը իրական դարձնելու ռազմավարություն։
Սա շարունակությունն էր Նիկոլ Փաշինյանի այն հայտարարության, թե չգնաց Ադրբեջանի հետ զիջումների, որպեսզի հանկարծ իրեն դավաճան չասեն։ Որ Փաշինյանին ու իր թիմին դավաճան են ասում, վաղուց այլևս որևէ մեկը չի էլ հերքում, անգամ գործող իշխանությունները։ Միևնույն ժամանակ, Ղարաբաղյան շարժման էջը փակելու, ամեն գնով ադրբեջանական նարատիվներն առաջ տանելու, թուրք-ադրբեջանական տանդեմի պահանջները առանց քննարկելու կատարելու փաշինյանական իշխանության քաղաքականությունը վկայում է, որ սպառնալիքներն ու կախվածությունները մեծացել են։
Հայաստանը պարզապես վերածվել է Արևմուտքի և տարածաշրջանում Արևմուտքի շահերը ներկայացնող Թուրքիայի վասալի, և իր քաղաքականությունն էլ հարևան այլ պետությունների հետ վարում է հենց այդ վասալության տրամաբանությունից։
Ըստ էության, ամբողջ խնդիրը ցինիզմի այն գերադրական աստիճանն է, որով Փաշինյանն իրականացնում է իր քաղաքականությունը, նման հայտարարություններ անում, քանի դեռ նա ներսում ռեալ և իրական ուժ չի տեսնում, որից կկարողանա վախենալ։ Իսկ դրա համար ընդամենը հարկավոր է ընդդիմության համախմբում։
Շուշան Մելքումյան
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Վարդան Ղուկասյանին մեղսագրվող կաշառքի գործը կգնա դատարան. նրան 10 տարվա ազատազրկում է սպառնում
ՌԴ-ն հրթիռներով և անօդաչու թռչող սարքերով զանգվածային հարվածներ են հասցրել Ուկրաինային․ տուժածներ կա
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
ԱԺ-ում կքննարկվի Հեռուստատեսության և ռադիոյի հանձնաժողովի անդամ Հակոբ Հակոբյանի լիազորությունները դա...
Ռուբլին թանկացել է․ փոխարժեքն՝ այսօր
Պարզապես որոշել են քրեական վարույթ չնախաձեռնել ու... վերջ. «Փաստ»
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Ժամկետի կրճատումով պլանավորված խնդիրներն արտահայտվելու են 2027-ի ամռանը, երբ 1.5 տարով զորակոչվածներ...