Վաշինգտոնից հետո Ադրբեջանն անթաքույց ծաղրում է ՀՀ իշխանություններին
ԵԱՀԿ Մինսկի խումբը և դրանցից կառույցները լուծարելու որոշումը սպասում է սեպտեմբերի 21-ին։ Ադրբեջանական լրատվամիջոցների փոխանցմամբ՝ այս մասին հայտարարել է Ադրբեջանի արտգործնախարար Ջեյհուն Բայրամովը՝ նշելով, որ Մինսկի խմբի և դրա հետ կապված կառույցների լուծարման վերաբերյալ դիմումը տարածվել է ԵԱՀԿ երկրների շրջանում, և ակնկալվում է, որ որոշումը կկայացվի հենց սեպտեմբերի սկզբին։ Ադրբեջանի արտգործնախարարը չի դիմացել գայթակղությանը՝ հերթական անգամ ծաղրելու Հայաստանի իշխանություններին։ Նա նշել է, որ մինչև ընթացիկ տարվա հունվար Հայաստանն անհամաձայնություններ ուներ խաղաղության համաձայնագրի որոշ կետերի հետ։
«Հայաստանը մասնավորապես չէր ընդունում այն կետերը, որոնք վերաբերում էին հայցերը դատարաններից հետ կանչելուն և սահմանին երրորդ ուժերի տեղակայումը թույլ չտալուն»,– նշել է Ադրբեջանի արտգործնախարարը՝ հավելելով, որ Բաքուն ակնկալում է, որ Հայաստանը փոփոխություններ կանի Սահմանադրության մեջ և ամբողջությամբ կվերացնի Ադրբեջանի նկատմամբ տարածքային հավակնությունները՝ խաղաղության համաձայնագիր ստորագրելու համար։ Փաստացի, ևս մեկ անգամ Ադրբեջանի իշխանությունները պնդում են, որ թեպետ Հայաստանը կատարել է իրենց բոլոր պահանջները, սակայն նրանք նոր պահանջներ ունեն և մինչև վերջ հասնելու են դրանց իրականացմանը։
Ադրբեջանի վարչապետ Ալի Ասադովն էլ, կառավարության հատուկ նիստում ամփոփելով վաշինգտոնյան «հանդիպման արդյունքները», նշել է, թե Հայաստանն ընդունել է Ադրբեջանից Նախիջևան անխոչընդոտ ճանապարհի վերաբերյալ Իլհամ Ալիևի պահանջը։ Ասադովի գնահատմամբ՝ ԱՄՆ մայրաքաղաքում Ադրբեջանի, Հայաստանի և ԱՄՆ-ի առաջնորդների կողմից ստորագրված հռչակագիրը «ադրբեջանական ժողովրդի պատմական արդարության համար պայքարի արդյունք է, պետության քաղաքական և դիվանագիտական ուժի և միջազգային հեղինակության արտահայտություն»։
Ադրբեջանի փոխվարչապետ Շահին Մուստաֆաևն իր հերթին ելույթ ունենալով հայտարարել է, թե Նախիջևան անարգել տեղաշարժի ապահովումը ռազմավարական նշանակություն ունեցող նախագծի մի մասն է։
Ըստ էության, Ադրբեջանը հերքում է Հայաստանի գործող իշխանությունների բոլոր կեղծ թեզերը՝ խաղաղության, տարածաշրջանային հաղորդակցությունները Հայաստանի ինքնիշխանության և իրավազորության ներքո անցնելու, ինչպես նաև փոխադարձության մասին։
Ըստ էության, փաշինյանական իշխանությունն այլևս չունի հնարավորություն խաբելու ժողովրդին, թե Վաշինգտոնը լուրջ ձեռքբերում էր հայկական դիվանագիտության համար։
Լիկա Ալիխանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը