Նեթանյահուի փնթի և վտանգավոր մանիպուլյացիան
Հայ հասարակությունը թե՛ Հայաստանում և թե՛ Սփյուռքում հիմա էլ ալեկոծվել է Իսրայելի վարչապետ Բենիամին Նեթանյահուի հայտարարությունից, թե Իսրայելն ավելի վաղ ճանաչել է Հայոց ցեղասպանությունը։ Հայ-ասորական ընտանիքից սերված միլիոնատեր, լրագրող Պատրիկ Բեթ-Դեյվիդի փոդկաստի ժամանակ Նեթանյահուն պարզապես ստել է, թե Քնեսեթը բանաձև է ընդունել Հայոց ցեղասպանությունը ճանաչելու վերաբերյալ։ Նշենք, որ Հայոց ցեղասպանության օրը նշելու նախագիծ 2018 թվականին դրվել էր Իսրայելի խորհրդարանի լիագումար նիստի քննարկմանը, բայց չէր ընդունվել։
Իսկ լրագրողի դիտարկմանը, որ իսրայելցի ոչ մի վարչապետ չի ճանաչել Օսմանյան կայսրության կողմից 20-րդ դարի սկզբին իրականացված ցեղասպանությունը, Նեթանյահուն արձագանքել է «Ես հենց նոր արեցի, ահա խնդրեմ»։
Փաստացի այս կերպ Իսրայելը ամենևին էլ չի ճանաչում Հայոց ցեղասպանությունը, այլ փորձում է այն որպես մանրադրամ օգտագործել Թուրքիայի դեմ, որի հետ ներկայումս Իսրայելը գրեթե թշնամական հարաբերությունների մեջ է։ Թուրքիան էլ Իսրայելին արդարացիորեն մեղադրում է Գազայում ցեղասպանություն իրականացնելու մեջ, և Իսրայելն ընդամենը այս կերպ պատասխանում է, սակայն պաշտոնական որևէ հայտարարություն, որևէ բանաձև գոյություն չունի, ուստի և առնվազն անլուրջ է ուրախանալ Իսրայելի վարչապետին այս հայտարարություններից։
Ընդհակառակը, սա ևս մեկ մտահոգության տեղիք պետք է տա հայ քաղաքական մտքին, որ ըստ էության, Իսրայելի պես պետությունները շարունակում են Հայոց ցեղասպանություն օգտագործել որպես Թուրքիայի հետ իրենց հարաբերությունները, հաշիվները պարզելու միջոց։ Իհարկե, պետք է հայկական կողմը թույլ չտա, որ Հայոց ցեղասպանությունը դառնա մանրադրամ Իսրայելի կամ որևէ այլ պետության ձեռքում։
Օվսաննա Գասպարյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը