Իրանը պատրաստ է վերսկսել միջուկային բանակցությունները Արևմուտքի բարի կամքի դրսևորման դեպքում
Իրանի ԱԳ նախարար Աբբաս Արաղչին «եվրաեռյակի» (Ֆրանսիա, Գերմանիա և Մեծ Բրիտանիա) կողմից Թեհրանի դեմ պատժամիջոցների վերականգնման վերաբերյալ հաղորդագրության կապակցությամբ ԵՄ-ի դիվանագիտության ղեկավար Կայա Կալասին տեղեկացրել է միջուկային ծրագրի շուրջ բանակցությունները վերսկսելու իր պատրաստակամության մասին՝ Արևմուտքի կողմից բարի կամքի դրսևորման պայմանով։
Արաղչին «հաստատել է ազնիվ և հավասարակշռված դիվանագիտական բանակցություններ վերսկսելու Իրանի պատրաստակամությունը՝ պայմանով, որ մյուս կողմերը ցուցաբերեն լրջություն ու բարի կամք և խուսափեն այնպիսի գործողություններից, որոնք խաթարում են հաջողության շանսերը»,- «Արմենպրես»-ի փոխանցմամբ՝ հաղորդել են մերձավորարևելյան ԶԼՄ-ները՝ վկայակոչելով Իրանի նախարարի նամակը։
Նա նաև հիշեցրել է, որ «եվրաեռյակի» երկրները չունեն Թեհրանի դեմ պատժամիջոցների վերսկսման մեխանիզմը գործարկելու իրավական լիազորություններ և նախազգուշացրել է, որ Թեհրանը միջոցներ կձեռնարկի՝ ի պատասխան այս որոշման։Ավելի վաղ հաղորդվել էր, որ Ֆրանսիայի, Գերմանիայի և Մեծ Բրիտանիայի ներկայացուցիչները նամակ են ուղարկել ՄԱԿ-ի Անվտանգության խորհրդի անդամներին՝ տեղեկացնելով «արագ արձագանքման մեխանիզմի» գործարկման մասին, որը թույլ է տալիս վերականգնել Իրանի դեմ պատժամիջոցները, որոնք դադարեցվել էին 2015 թ. Համատեղ համապարփակ գործողությունների ծրագրի (ՀՀԳԾ) շրջանակներում։
Միևնույն ժամանակ, կողմերը պատրաստակամություն են հայտնել Իրանի հետ միջուկային համաձայնագրի շուրջ բանակցություններ սկսել առաջիկա 30 օրվա ընթացքում՝ նախքան պատժամիջոցների ուժի մեջ մտնելը։Եթե 30 օրվա ընթացքում համաձայնության չհասնեն, կվերականգնվեն ՄԱԿ-ի բոլոր նախկին պատժամիջոցները, որոնք, ի թիվս այլ բաների, ներառում են Իրանին զենքի մատակարարման արգելք, բեռների ստուգում և նրա հրթիռային ծրագրի սահմանափակումներ։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը