Գուտերեշը հութիներից պահանջել է ազատ արձակել ՄԱԿ-ի 11 ձերբակալված աշխատակիցներին
ՄԱԿ-ի գլխավոր քարտուղար Անտոնիու Գուտերեշը դատապարտել է Եմենի հութիների կողմից ՄԱԿ-ի 11 աշխատակիցների ձերբակալությունը և պահանջել է անհապաղ ազատ արձակել նրանց։
«Արմենպրես»-ի փոխանցմամբ՝ այս մասին ասվում է Գուտերեշի գրասենյակի տարածած հայտարարության մեջ։«Ես խստորեն դատապարտում եմ Եմենի հութի դե ֆակտո իշխանությունների կողմից օգոստոսի 31-ին ՄԱԿ-ի առնվազն 11 աշխատակիցների կամայական ձերբակալությունը։ Ես նաև դատապարտում եմ բռնի մուտքը Պարենի համաշխարհային ծրագրի գրասենյակ, ՄԱԿ-ի գույքի բռնագրավումը և Սանայում գտնվող ՄԱԿ-ի այլ կառույցներ մուտք գործելու փորձերը», – ասվում է հայտարարության մեջ։
Գուտերեշը պահանջել է ձերբակալվածների «անհապաղ և անվերապահ ազատ արձակումը»։ Նա հավելել է, որ պահանջում է նաև ազատ արձակել նախորդ տարիներին ձերբակալված մյուս բոլոր աշխատակիցներին։
CNN-ը հաղորդում է, որ օգոստոսի 31-ին հութիները մտել են Եմենի մայրաքաղաք Սանայում գտնվող Պարենի համաշխարհային ծրագրի և ՅՈՒՆԻՍԵՖ-ի գրասենյակներ։ Լրատվամիջոցը շեշտում է, որ սա տեղի է ունեցել հութիների դեմ Իսրայելի վերջին գործողություններից հետո. Իսրայելը հայտարարել է, որ հարվածների արդյունքում սպանել է հութիների կառավարության վարչապետ Ահմեդ ալ-Ռահավիին։
Մենք նոր արմատներ ենք գցելու այն հողում, որից փորձելու են մեզ արմատախիլ անել․ Գոհար Մելոյան
Իդրամով արդեն կարելի է վճարել Glovo-ում. սպասված համագործակցությունն իրականություն է
Նրանք հնարավորություն չունեն պայքարելու մեր տարածքների համար․ Սամվել Կարապետյան
74 էջանոց «գլուխգործոց» կամ մարդամեկի կյանքի գլխավոր մատնագիրը. Հրայր Կամենդատյան
Փաշինյանն անհավասարակշիռ դիվանագիտություն վարող գործիչ է, որը պատերազմ է բերում. Սամվել Կարապետյան
Ինքնիշխանությունը միայն բառ չէ, միայն զգացմունք չէ․ Մհեր Ավետիսյան
Քանի դեռ Փաշինյանը ծրագրում է հանձնել Տիգրանաշենը, մենք կհոգանք զարգացման մասին. Աբրահամյան
Ջերմաստիճանը կնվազի՞. ի՞նչ եղանակ է սպասվում՝ սեպտեմբերի 24-ից 28-ը
ԽՍՀՄ կազմում Հայաստանն ուներ լավ զարգացած տնտեսություն. Հրայր Կամենդատյան
ԶՊՄԿ-ն՝ «ԲանՈՒԳործ» էքսպոյում